Dy kosovarë që 8 ditë të bllokuar Antarktidë. Sot reagon Qeveria…

Qeveria e Kosovës sot është njoftuar për rastin e dy shtetasve kosovarë, Mrika dhe Arianit Nikqi, që tetë ditë janë të bllokuar në majën më të lartë të Antarktidës, në temperatura -40 °C.

Zëdhënësja e Qeverisë, Donjeta Gashi tha se Qeveria po angazhohet për babë e bijë nga Kosova, që janë bllokuar në majën Vinson, 4.892 metra e lartë, në motin e acartë dhe në të ftohtin ekstrem.

“Qeveria e Kosovës me të marrë informacionin është angazhuar për këtë rast dhe po merren të gjitha informacionet që mund të ndihmojnë për këtë rast,” tha Donjeta Gashi. 

Mrika Nikqi, 17 vjeçe, dhe babai i saj, Arianit Nikqi, më 16 dhjetor rreth orës 21:30, raportohet se u ngjitën në majën Vinson, në Antarktidë, 4.892 metra e lartë. 

Gjatë kthimit ata, si pasojë e motit ekstrem, qysh nga 17 dhjetori, po qëndrojnë të bllokuar në një tendë në temperatura deri në -40 °C.