Dy seanca plenare, asnjëra për të mirën e shqiptarëve
Sot Parlamenti i Shqipërisë do të zhvilloj dy seanca plenare ku asnjëra prej tyre nuk do ti kushtohet përfitimit, mirëqenies dhe drejtësisë së reformuar të qytetarëve shqiptarë, por për fat të keq vetëm shkatërrimit!
Seanca e parë e cila fillon në orën 10:00 me 6 Pika të Rendit të Ditës, përveç mosinteresimit ka parashikuar një tallje ekstreme me shqiptarët. Ngjashëm dhe seanca e dytë ku shqiptarët do të kenë rastin të shohin ata që paguhen nga taksapaguesit shqiptarë se si sot do të mbledhen në orën 18:00 për tu thënë atyre se PS dhe PD, përkatësisht Edi Rama dhe Lulzim Basha, nuk ranë dakord për Presidentin e Republikës dhe raundi i dytë i zgjedhjeve dështon!
“Raport i veprimtarisë së Autoritetit të Mediave Audiovizive për vitin 2021” si Pikë e Rendit të Ditës do ti humb një kohë të çmuar shqiptarëve për të dëgjuar raportimin e një Autoriteti që kontrollohet nga zëdhënëset e dyshes bashkëqeverisëse Rama-Basha, dhe për ironi shqiptarët do të dëgjojnë dhe debatin prej 45 minutash të PS përkatsisht PD, të një institucioni i cili ndonëse i pavarur u degdis në duart e dy politikanëve më të urryer në Shqipëri edhe pse është krijuar për kontrollin e mediave audiovizive.
E tillë është dhe Pika 4. e Rendit të Ditës, ku raporton Instituti i Statistikave. Në çdo shtet demokratik ky Institucion është i një rëndësie të veçantë por në Shqipëri me dakordësimin e dy partive kryesore ai nuk i ka shërbyer kurrë publikut. Kjo u konfirmua dhe gjatë pandemisë, për të cilin institucion opozita e Lulzim Bashës heshti dhe shifrat e falsifikuara mbi numrin e vdekjeve i hodhi që të gjitha mbi kurrizin e Ministrit së Shëndetësisë ndonëse Eurostat raportonte ndryshe.
I tillë është rasti dhe me inflacionin dhe së fundi u konfirmua dhe me numrin e të mërguarve. Lulzim Basha me të ngjashmit, i preokupuar me Sali Berishën, nuk i pengojnë falsifikimet e qeverisë por vazhdon dhe godet Partinë Demokratike, atë të cilën e drejtoi pak ditë më parë!
Në fund, Projektligji “Për miratimin e marrëveshjes për administrimin e nënzonave të trashëgimisë
kulturore dhe peizazhit kulturor, pjesë e Parkut Kombëtar të Butrintit, ndërmjet Ministrisë së
Kulturës dhe Fondacionit për Menaxhimin e Butrintit” që u parashikua si Pikë e 5 e Rendit të Ditës. U bë shumë zhurmë rreth trashëgimisë kulturore që po shuhet së fundi edhe në Butrint. Ky shkatërrim u mundua të arsyetohet me Fondacion amerikan por koha do të tregoj se socialistat, shkatërrimin e kanë dhunti dhe e bëjnë më mirë se askush tjetër kur janë në pushtet.
Gjithsesi, kjo seancë plenare ka këtë Rend të Ditës:
Ndërsa seanca e dytë e cila fillon në orën 18:00 është turpi i parlamentarizmit shqiptar! Jo pse dështon raundi i dytë për zgjedhjen e Presidentit të Republikës, por sepse ky dështim si nga PS ashtu dhe nga PD na u servirën si dështime të rivalëve ndërkohë është e qartë se njëra i shërben si ingranazh tjetrës.
Gjithsesi, këta parlamentarë janë zgjedhur me votat e shqiptarëve, atyre me të cilët tallen si deputetët e Lulzim Bashës ashtu dhe të Edi Ramës, që sot mbledhen në orën 18:00 në seancën plenare me këtë Rend të Ditës:
