Dy të vdekur nga shembja e një pallati në Francë

Punonjësit e shpëtimit në Francë gjetën dy trupa nën rrënojat e një pallati që u shemb të dielën në qendër të Marsejës.

Megjithatë, situata në vendin e aksidentit mbetet e vështirë dhe ka të ngjarë që rikuperimi i trupave të jetë sfidues, sipas raporteve të mediave franceze, që citojnë shërbimet e urgjencës.

Një zjarr po digjet disa metra nën rrënoja, raporotn RFE, duke penguar përpjekjet e shpëtimit.

Tetë persona thuhet se kanë qenë duke jetuar në pallat dhe janë raportuar të zhdukur.

Është e paqartë nëse dy personat që vdiqën ishin mes tetë të zhdukurve.

Shtëpia katërkatëshe u shemb në qendër të qytetit port jugor në orët e para të mëngjesit të së dielës, pak pas mesnate.

Nga shembja u rrëzuan edhe pjesë të dy shtëpive fqinje.

Të paktën pesë persona u lënduan, sipas informacioneve fillestare.

Sipas njoftimeve të mediave, ata ishin në një pallatfqinje.

Shembja mund të jetë shkaktuar nga një shpërthim, por autoritetet nuk kanë treguar ende një shkak zyrtar.

Tetë personat e zhdukur nuk i janë përgjigjur thirrjeve, sipas prokurorit publik të Marsejës, Dominique Laurens, dhe të afërmit kanë kontaktuar autoritetet të shqetësuar.

Thuhet se ndër tetë personat ishin disa të moshuar dhe një çift rreth të tridhjetave. Asnjë fëmijë nuk mendohet të ketë qenë në ndërtesë në momentin që ajo u shemb.

Një burrë nga një shtëpi fqinje gjithashtu mund të jetë nën rrënoja, raporton RFE, pasi ish e dashura e tij tha se nuk kishte mundur ta kontaktonte atë që nga aksidenti.