Dy të vërtetat e Ilir Metës, tradhëtar i popullit në një sekt kriminal!

Sot Presidenti i Republikës më në fund i tha dy të vërteta të mëdha  për kombin shqiptar, që i takojnë personit dhe veprës së Ilir Metës. Mëngjesin e hershëm postoi një falënderim për solidarizimin me 2 Marsin duke u shprehur se kush cenon Kushtetutën do të jetë armiku i popullit tonë.

“Një falënderim për Profesor Bujar Kapexhiun për solidarizimin me 2 Marsin dhe përgjegjshmërinë e tij qytetare, intelektuale dhe patriotike. Ke të drejtë Profesor, Kushtetuta duhet të bëhet për çdo shqiptar Bibla dhe Kurani ynë. Të jetë e paprekshme dhe e padhunueshme me ligje anti-kushtetuese sot e përgjithmonë.

Kush cenon Kushtetutën do të jetë armiku i popullit tonë, sepse vetëm mbrojtja e Kushtetutes na mbron nga rreziqet e brendshme si tirania dhe arbitrariteti, por edhe nga rreziqet e jashtme që janë shtuar. Vetëm Kushtetuta na mban të bashkuar! “ thotë Ilir Meta sot dhe shqiptarët e dinë me kohë, pikërisht pas cenimit që i bëri Kushtetutës vetë Meta, se ai dhe sot sipas logjikës së tij na qenka tradhtar i popullit.

Dushku i vitit 2001 është produkt i Ilir Metës kur ishte kryeministër dhe me të cilin cenoi rëndë Kushtetutën, dhe vetëm me ndërhyrjen e ndërkombëtarëve u arrit një kompromis me president konsensual i cili qetësoi shumë shpirtra.

Arrestimi i Sali Berishës është cenimi i radhës së Kushtetutës me të cilin Ilir Meta rrezikoi jo vetëm rendin kushtetues por edhe sigurinë rajonale. Gjithsesi, falë mosreagimit të demokratëve, arrestimi i liderit të opozitës kaloi vetëm me qindra të plagosur nga policia e Ilir Metës dhe lirimin pas disa orëve të Berishës, me ndërhyrjen e ndërkombëtarëve.

Por cenimi i Kushtetuës nuk ndalon. Ai sapo shkeli në koalicion me Sali Berishën, bëri largim masiv të 30 % të administratës demokrate dhe jo vetëm, për të shtuar krizën sociale dhe pakënaqësinë ndër shqiptarë.

Dhe ajo që përflitej për administratën kriminale të LSI-së së Ilir Metës u shfaq me zë e figurë në njërin ndër kanalet më të ndjekura televizive ku Meta me ministrin e tij Dritan Prifti kishin një hallë të madh, të numëronin se sa lekë kishin arritur të marrin nga korrupsioni, siç u shpreh Prifti. Kjo arriti me shpalljen e Metës së pafajshëm por jo edhe shpalljen nga populli i cili me ndihmën e PS-së shkaktoi trazira dhe krijoi 21 Janarin i cili përfundoi edhe me të vrarë. Përveç Ilir Metës, cenimit të Kushtetutës iu bashkua edhe Edi Rama, jo për tu përgjigjur para drejtësisë por që me ndërhyrjen e Beogradit me 1 Prill të vitit 2013, të firmosin Marrëveshjen për krijimin e koalicionit qeverisës.

Dhe jo vetëm koalicion qeverisës! Këtu u vënë bazat edhe të sektit kriminal i cili vuri nën kontroll Kuvendin i cili vazhdon funksionimin edhe sot duke larguar nga puna të gjithë ata demokrat që i kishin shpëtuar sitës socialiste, dhe mos më keq edhe asaj kriminale të LSI.

Derisa ishte në krye të Kuvendit, Ilir Meta heshti për të gjitha këto shkelje, por në momentin kur Edi Rama e largoi në mënyrë shumë të sofistikuar nga Zyra e kryetarit të Kuvendit, ai filloi ta akuzoj jo vetëm partnerin e deri djeshëm të koalicionit dhe atë që e bëri President, por me atë me të cilin shkatërroi opozitën, shkatërroi ekonominë, i dha një dorë të mirë dhe shkatërrimit të shëndetësisë, dhe së fundi, me atë me të cilin shkatërroi drejtësinë e së bashku dhe Kushtetutën dhe Gjykatën Kushtetuese për të cilën sot vajton.

E vërteta e dytë…

Sot Ilir Meta vazhdoi me akuzat duke sjell, siç tha, prova të reja të mashtrimeve të Komisionit të ligjeve dhe Kuvendit për ligjin për Gjykatën Kushtetuese.

“Jam sot përsëri para jush për të paraqitur prova të reja të mashtrimeve skandaloze të komisionit të ligjeve dhe kuvendit të Shqipërisë lidhur me konsultimet dhe mbështetjen që ka marrë për ligjin antikushtetues të pushtimit për Gjykatës Kushtetuese nga sekti kriminal që ka kontrollin e institucionit të Kuvendit.

Më 12 shkurt 2020 ka miratuar ligjin për të ndryshuar formatin e betimit. Jemi sot për të demaskuar falsifikime të tjera të këtij Kuvendit.

Në raportin e komisionit të datës 6 shkurt 2020 kur është shqyrtuar ky projektligj, relatohet se projektligjet për Gjykatën Kushtetuese dhe për statusin e gjyqtarëve dhe prokurorëve i është përcjellë për dijeni disa institucioneve, dhe natyrisht dhe ministrisë së padrejtësisë. Komisioni i ligjeve citon se paralelisht me dhënien e mendimeve është ngritur dhe një grup pune me asistencën e EUralius. Presidenti i Republikës më 11 shkurt 2020 i kërkoi informacion zyrtar të gjitha institucioneve të sipërcituara për të ditur mendimin e tyre të vërtetë për këtë projektligj. Deri më tani janë administruar këto përgjigje. Komiteti Shqiptar i Helsinkit i ka kthyer një përgjigje të mrekullueshme Kuvendit dhe posaçërisht komisionit për çështjet ligjore.

KSHH ka parashtruar qartë kundërshtimet për këtë ligj bazuar në argumente kushtetuese e ligjore. KSHH ka vlerësuar se ceremonia e betimit nuk mund të realizohet në formë të shkruar. Akti i betimit duhet të bëhet vetëm para Presidentit thekson KSHH. Shumë mirënjohje për KSHH dhe shumë keqardhje për relatuesit që thonë se kanë marrë mbështetje.

Shkolla e magjistraturës nuk ka shfaqur opinion ligjor, pra një mashtrim tjetër i Kuvendit. Kryetari i KED dhe ai thotë se nuk ka pasur dijeni për të dhënë mendim për nismën. Instituti i Studimeve Politike i ka kthyer pres këtë përgjigje ku informon se është ftuar për të dhënë opinionin e tij në mënyrë elektronike ku është shprehur kundër. Thellon krizën dhe ilegjitimitetin e këtyre institucioneve.

KLGJ ka kthyer këtë përgjigje ku informon se KLGJ-së nuk i është kërkuar dhënie opinioni për ligjin për GJK dhe nuk ka dhënë opinion as me shkrim e as verbal. Një gënjeshtër tjetër. KLP ka kthyer këtë përgjigje: për Projektligjin nuk rezulton të jetë kërkuar mendim nga Kuvendi në adresë të KLP.

Qendra Respublica, nuk i ka kthyer asnjë përgjigje Kuvendit për shkak të ngarkesës së madhe të punëve. prapë një gënjeshtër tjetër e Kom të ligjeve dhe Kuvendit.

Soros për shkak të pamundësisë kohore për t’iu përgjigjur, nuk i ka kthyer mendim,” vazhdoi sot Ilir Meta pa lidhje me realitetin dhe Shqipërinë të cilën e shkatërroi së bashku me Edi Ramën.

Por kjo nuk e pengon Presidentin e Republikës , Ilir Meta për të organizuar protesta kundër Edi Ramës me një logjikë të frikshme. Cilido që ka probleme me ligjin, duhet të përballet para organeve të drejtësisë dhe Presidenti i Republikës duhet t’i drejtohet popullit, thotë Ilir Meta i cili për asnjë nga cenimet kushtetuese nuk është përballur dhe nuk do të përballet para ligjit sepse me ngjala dhe verë ka marrë dhe pafajësinë

“Zero shqetësim, zero frikë për manifestimin më paqësor, më demokratike më gjithëpërfshirës dhe vetëm kuq e zi në 2 mars. Për të gjithë qytetarët e Shqipërisë që kanë dëshirë dhe që e ndjejnë se zëri i tyre duhet të dëgjohet. Pasi Kushtetuta është dokumenti themeltar për mbrojtjen e saj. Mund t’ju informoj se me kërkesën time, me shumë të drejtë ju ka informuar dhe zoti Blushi, dje jam takuar ne drejtues të policisë së shtetit. Kemi komunikuar dhe me persona përgjegjës, për të realizuar një manifestim sa më të mrekullueshëm, me sa ma pak policë që angazhohen në mbrojtje të institucioneve. Me qindra dhe mijëra vullnetarë të cilët dëshirojnë të kontribuojnë për të dhënë ndihmë për të sjellë festën e demokracisë, të triumfit mbi Tiraninë që tenton të vendosë frikën. Kemi një problem të madh, pasi pjesëmarrja e qytetarëve të huaj që jetojnë në vendin tonë, do të jetë e lartë. Shumë prej tyre më kanë konfirmuar se do të jenë pjesë. Kemi problem se shumë prej tyre duan që të dëgjohën. Ata janë mjaftë të shokuar nga niveli i sundimit të ligjit. Do të bëjmë çdo gjë që zëri i tyre të dëgjohet. Asnjë lloj shqetësimi, përkundrazi të gjithë janë të mirëpritur që të ndjekin udhëzimet që do të japim herë pas here. Do të ketë të reja të vazhdueshme. Me dhjetra shqiptaro-amerikan kanë mbërritur dhe disa qindra do të jenë deri të hënën në drekë këtu. Nga Anglia, nga Kanadaja, mes tyre dhe shumë prej tyre po vinë. Alert, alert ka vetëm për grupin puçit. Për asnjë tjetër. Kush e ndjen veten puçist, është i alertuar,” tha Ilir Meta duke nxerrë nga goja dhe iditozimin e shekullit:

“Tani cilido që ka probleme me ligjin, duhet të përballet parapara organeve të drejtësisë. Presidenti i republikës duhet t’i drejtohet popullit. S’do habitesha që për shkak të alertit të pushtetit puçist, më falni që po iu përmend emrat, por meqë kanë lidhje me Italinë, se zoti Fatos Lubonja dhe Artur Zheji, u arrestuan, sepse dyshohet se drejtojnë organizatat e Camorra-s dhe Ndrahgetës. Ashtu sikur s’do të habitesha sikur të hënë në mëngjes të dilte një lajm që tek pallati pranë Presidencës u zbuluan dy persona me coronavirus. Kështu që alerti është në vend tjetër, për të krijuar ngjarje dhe fokuse, të cilat duan të shmangin një çështje shumë më të madhe, me të cilën është bashkuar tashmë çdo qytetar i ndershëm dhe me dinjitet në këtë vend. Zërin e të gjithit do ta dëgjojë Shqipëria dhe e gjithë bota demokratike.”