Dy të vrarë në Poliklinikën e Patosit, policia jep detajet…

Dy të vdekur është bilanci i një ngjarje të rëndë që tronditi Patosin sot në mesditë. Burime nga policia bëjnë me dije se autori është shtetasi Martin Skëndaj i cili është arrestuar pak minuta pas ngjarjes.

Mësohet se mes tij dhe disa personave të tjerë ka pasur një konflikt në ambientet e poliklinikës së Patosit i cili ka degraduar më pas me përdorimin e armëve ku për pasojë ka mbetur i vrarë, Elis Kapaj dhe u plagos Manol Rrapaj. Por, pasi është transportuar në Spital, i plagosuri ka ndërruar jetë.

Po punohet për zbardhjen e plotë të rrethanave të ngjarjes.

Informacion paraprak

Policia kap në kohë rekord autorin e ngjarjes së ndodhur në ambientet e poliklinilës në Patos ku mbeti një i vrarë dhe një i plagosur.

Sot rreth orës 12:20, në ambientet e poliklinikës së Patosit si pasojë e një konflikti, shtetasi Martin Skëndaj ka qëlluar me armë zjarri dhe për pasojë ka mbetur një shtetas i vrarë dhe një i plagosur.

Falë veprimeve të shpejta dhe profesionale të policisë, është bërë e mundur kapja e autorit dhe sekuestrimin i armës së zjarrit.

Po punohet për zbardhjen e plotë të rrethanave të ngjarjes.