E akuzoi për trafik droge, sot Lefter Koka i bashkohet PS dhe Edi Ramës!
Durrësi do bëhet me eko-park dhe për impiantet, dhe për heqjen e pastrimit të këtij qyteti nga mbetjet e Porto Romanos, Kryeministri Edi Rama sot e vlerësoi, Lefter Kokën, njeriun i cili 3 vjet më parë i akuzoi qeverinë për trafik ndërkombëtar droge. Dhe jo vetëm kaq! Tashmë është zyrtare, deputeti i LSI-së dhe ish-dora e djathtë e Metës dhe Kryemadhit, Lefter Koka, do t’i ribashkohet Partisë Socialiste.
“Janë të bashkuar për plehrat, nuk janë vetëm këta por është edhe ajo pala tjetër. Arsyeja pse jam këtu sot, sot është edhe Lefteri që kemi punuar bashkë për këto projekte kur ishim në aleancë me LSI, por në vend që ata që në atë kohë i votuan ato projekte, nëse nuk thonë një fjalë të mirë, të paktën të mos bëhen qesharakë në sytë e njerëzve.
Hidhen përpjetë dhe nuk e thonë si zgjidhet kjo punë. Ata dinë vetëm të nxisin sherr, të shpifin sa munden, të mund të përfitojnë sa më shumë nga njerëzit e mërzitur, të shqetësuar, të lodhur e më pas nëse ju vjen në dorë puna do bëjnë të njejtën gjë që kanë bërë gjithmonë,” tha Edi Rama sot në Durrës duke bërë të ditur se do bëjnë eko-park në këtë qytet, duke i dhënë mushkëri Durrësit ndërsa theksoi se ky qytet më parë ishte një plagë mjedisore dhe ky qytet turpërohej e Shqipëria turpërohej e ndërkombëtarët bënin dokumentare në Porto Romano, ku male të tëra kalbeshin mbi dhe e ndikonin në ajrin e shëndetin e njerëzve, duke ndikuar në imazhin e një qyteti që ka të gjitha potencialet për të qenë qytet shumë i shfrytëzuar nga ana turistike. Por njeriu që kishte në krah, Lefter Koka, akuzonte qeverinë e Edi Ramës se trafikon drogë, madje këtë e menaxhon vetë Drejtori i Policisë së Durrësit.
Apo për konceptin e Edi Ramës dhe Saimir Tahirit, trafiku ndërkombëtar i drogës për të cilën fliste Ish-Ministri i Mjedisit Lefter Koka si pjesë e LSI, nuk ndikojnë në imazhin e një qyteti.
