E frikshme/ “Camp Fire”, mbi 600 njerëz të zhdukur nga zjarret në Kaliforni

Numri i njerëzve të zhdukur në Kaliforninë veriore e përfshirë nga zjarret shkatërruese  ka arritur në më shumë se 600 persona dhe janë gjetur shtatë trupa të tjerë, raportojnë autoritetet lokale.

“Camp Fire”, zjarri më vdekjeprurës dhe më shkatërrues i shtetit, ka vrarë të paktën 63 njerëz. Rreth 12.000 ndërtesa janë shkatërruar.

Tre persona të tjerë kanë vdekur gjithashtu nga zjarri në Woolsey, në jug.

Nesër Presidenti, Donald Trump, do të udhëtojë drejt Kalifornisë për të parë dëmet dhe për të takuar ata që janë prekur.

Rreth 9.400 zjarrfikës aktualisht janë duke luftuar me zjarret në të gjithë shtetin.

“Camp Fire”, i cili shpërtheu tetë ditë më parë, u përhap me shpejtësi të madhe në veri, favorizuar dhe nga era, duke u lënë pak kohë banorëve për të shpëtuar