E frikshme, për 24 orë koronavirusi merr 969 jetë në Itali

Italia shënon ditën e saj më të zezë prej se është prekur nga koronavirusi me 969 vdekje brenda 24 orëve. Mbrojtja Civile, raporton se sot në Itali kemi edhe 4.401 të infektuar duke e çuar në 66.414 numrin e të prekurve me COVID-19 dhe gjithsej 9.134 të vdekur.

Ndërkohë brenda 24 orëve kemi edhe 589 të shëruar.
Presidenti i Institutit Superior të Shëndetit në Itali, Silio Brusaferro, duke iu referuar raportimeve të ndryshme në media dhe diskutimeve në publik, siguroi se nuk është arritur akoma kulmi.

“Nuk e kemi arritur akoma kulmin. Nuk e kemi kaluar. Fakti që ka pak ngadalësim na bën të mendojmë se mund të jemi afër kulmit, mbase e arrijmë këto ditë. Masat po japin efekt dhe duhet të vazhdojnë. Dhe kur të nisë zbritja, gjithçka do të varet nga sjellja jonë”.

Ndryshe, që nisja e epidemisë, në Itali janë shënuar 86.498 raste infektimi dhe 10.950 të shëruar.