E frikshme/ Vetëm 8 vjeç dhe me varësi nga heroina!

Një fëmijë 8 vjeç është personi më i ri në Serbi me varësi nga heroina. Para pak kohësh, prindërit e sollën në një klinikë për shërim dhe aty zbuluan të vërtetën e tmerrshme, se i biri tyre drogën e kishte marrë qysh nga ditët e para të shkollës fillore.

Këtë për të përditshmen serbe “Telegraf” e zbulon ish-përdoruesi i heroinës, Bozhidar Dragutinoviç, aktualisht themelues i kampit për shërim nga varësia ndaj drogës “Preobraženje“ në fshatin Dvorska afër Loznicës.

“Prindërit kanë vërejtur ndryshimin e sjelljeve tek fëmija, por gjithçka ishte kuptuar si papjekuri emocionale, agresivitet adoleshence. Kur më në fund e çuan në spital, i bënë disa teste, doli se është pozitiv në heroinë,” tha Dragutinoviç dhe pasuan krizat që tmerruan fëmijën. “Kur e pa se cila ishte kriza, u frikësua dhe e pranoi se heroinën e kishte konsumuar që në vitin e parë të shkollës fillore, dhe e ka marrë në oborrin e shkollës,” ka rrëfyer ish-përdoruesi i heroinës sot drejtues i institucionit që merret me shërimin nga varësia e heroinës.