E frikshme. Video/ Në spitalin Covid shpërthen bombola e oksigjenit, 8 të vdekur

Në ngjarje e rëndë ka ndodhur në një spital Covid në Turqi. Mediat turke raportojnë se ngjarja ka ndodhur në Spitalin Universitar SANKO Covid-19, në Gazinetp, ku ka shpërthyer një bombol oksigjeni e cila ka lënë të vdekur 8 pacientë.

Në një deklaratë nga spitali universitar SANKO mësohet se zjarri shpërtheu në orët e para të mëngjesit në njësinë e kujdesit intensiv për COVID-19 të spitalit si pasojë e pajisjes së oksigjenit me rrjedhje të lartë dhe nga ndikimi i sistemit të oksigjenit.

Si rezultat i ndërhyrjes së parë nga personeli i spitalit dhe ndërhyrjes së shpejtë të ekipit zjarrfikës të Gaziantepit, zjarri është vënë nën kontroll në kohë të shpejtë, ndërkohë që humbën jetën 8 persona, raporton Anadolu Agency, duke shtuar se pacientët tjerë që vazhdojnë trajtimin në kujdesin intensiv u evakuuan në spitale tjera dhe se lidhur me çështjen ka filluar një hetim gjyqësor dhe administrativ.

Në një deklaratë me shkrim nga prefektura Gaziantep bëhet e ditur se zjarri në spital shpërtheu rreth orës 04:45 të mëngjesit.

“11 pacientë janë evakuuar në spitalet përreth. Në ngjarje nuk ka të plagosur nga zjarri. Ekipet tona kanë marrë masat e nevojshme dhe vazhdojnë inspektimet. Urojmë që mëshira e Allahut të jetë mbi personat që humbën jetën dhe shprehim ngushëllimet për familjet e pikëlluara”, thekson prefektura Gaziantep.