E konfirmon policia: Gruevski doli nga Shqipëria! Nuk thotë nga hyri…
Pas lajmit të bërë publik nga mediat serbe se Ish-kryeministri i Maqedonisë ka ikur në Hungari përmes Shqipëris, Policia e Shtetit duke reaguar zyrtarisht për lajmin konfirmon se Nikolla Gruevski, ka dalë nga kurifi shqiptar në Han të Hotit për t’iu drejtuar më pas Hungarisë ku po kërkon azil politik.
Policia zbulon se ditën që Gruevski kaloi kurifin nuk ishte në kërkim. Kjo ishte arsyeja pse ai nuk ishte ndaluar.
“Departamenti i Kufirit dhe Migracionit në Policinë e Shtetit duke iu përgjigjur interesimit të meidas në lidhje me hyrjen dhe daljen nga territori i Republikës së Shqipërisë të shtetasit Nikola Gruevski, ju informon se:
Shtetasi Nikola Gruevski më datë 11.11.2018, rreth orës ora 19:11, ka dalë nga territori i Republikës së Shqipërisë nëpërmjet pikës së kalimit kufitar të Hanit të Hotit në drejtim të Malit të Zi, si pasagjer në automjetin me targë CD1013A, në pronësi të Ambasadës Hungareze në Tiranë.
Në datën 11.11.2018 për shtetasin Nikola Gruevski nuk ka patur asnjë njoftim në kufi apo shpallje si person në kërkim.
Interpol Shkupi në datë 13.11.2018, rreth orës 19.35 i ka dërguar Interpol Tiranës njoftimin për shpallje në kërkim ndërkombëtar për këtë shtetas.”
Por Policia Shtetit, edhe pse tashmë drejtohet nga një Gjeneral komunikatat i bënë si një kapterr, duke raportuar vetëm ajo që i është thënë të raportohet. Policia e Shtetit tregon se nga ka dalë Ish-kryeministri i Maqedonisë, Nikolla Gruevski por jo edhe nga është futur.
E “mbron” edhe Policia e Malit të Zi
Nuk është e qartë pse por “mbrojtje” Ish-kryeministrit të Maqedonisë, Nikolla Gruevski i ofroi edhe shteti i Malit të Zi. Policia e këti shteti gjithashtu konfirmoi hyrjen e tij në këtë vend por jo edhe itinerarin e lëvizjes, thuase komunikatat e policisë së Shqipërisë dhe Malit të Zi i shkruan Nikolla Gruevski dhe jo shtetet përkatëse.
Gjithsesi MPB e Malit të Zi konfirmon:
“Me rastin e informacioneve të publikuara në media, si dhe interesimit të mediave lidhur me këtë çështje, e që ka të bëjë me Ish-kryeministrin e Maqedonisë, Nikolla Gruevski i cili është futur në Mal të Zi më 11 nëntor 2018, me qëllim të informimit të vërtetë të opinionit ju informojmë me sa vijon: Nikolla Gruevski është futur në Mal të Zi ditën e theksuar dhe po këtë ditë ka dalur nga Mali i Zi,” thekson MPB e Mali t Zi përmes komunikatës duke shtuar se policia malazeze në këtë rast “në tërësi ka rrespektuar proceduart ligjore”.
Me sistem TIMS, po, por polici e Ballkanit, e cila mbron një kriminel i cili kalon nëpër tri shtete dhe policia e të trija shteteve nuk thotë nga lëvizi, në cilën pikë kufitare hyri dhe ku doli!
Si, kur dhe në çfarë mënyre…
