E kuptoj edhe Abazoviç se kush janë shkijet: Gati të iki nga Qeveria e Malit të Zi!
Më në fund e kuptoj edhe lideri i “E Bardha në të Zezë”, Dritan Abazoviç, që me ata që ka bërë koalicion qeverisës përveç se janë shkije, punojnë në dëm të Malit Zi për llogari të Rusisë dhe nuk ka lidhje për rrëzimin ose jo të Gjukanoviçit.
Gjithçka ndodhi pasi NATO dhe Perëndimi akuzuan qeverinë e Serbisë se në vend të antikorrupsionit, po ja kthen vendin influencës ruse, dhe deklaratës së analistit Janusz Bugajski se tashmë NATO ka ndaluar së ofruari informacione sekrete agjencive të zbulimit të Malit të Zi, që janë të mbushura me njerëz të Moskës.
Deputetët e Partisë së Dritan Abazoviçit, “E Bardha në të Zezë”, koalicioni Ura i kanë dërguar një kërkesë parlamentit të Malit të Zi, ku bën të ditur se ky grup parlamentar nuk është i gatshëm të votojë ligjin për pronat e Kishës Ortodokse Serbe. Qëndrim që pritet të sjellë përplasje të mëdha në koalicion.
Siç bën të ditur Antena M, në dokument thuhet se ligji “Për Fetë” të mos kthehet në një mollë sherri që rrezikon të ardhmen evropiane të Malit të Zi. Duke pasur parasysh premtimin kryesor të Kryeministrit Krivokapiç për ndryshimet në këtë Ligj, tashmë mund të thuhet se qëndrimi i Abazoviçi me aleatë vë në dyshim mazhorancën aktuale që drejtohet nga Zdravko Krivokapiç dhe po ndodhë në kulmin e fushatës elektorale për bashkinë e Nikshiçit, që është kthyer një lloj beteje serbo-malazeze.
Siç bën të ditur Antena M, katër deputetët e URA, theksojnë se duhet një rishikim i ligjit themeltar të shtetit që involvon edhe opozitën e Milo Gjukanoviçit.
Dy ditë më parë, një organizatë nacionaliste malazeze “Komitët” i kanë kërkuar Abazoviçit që në Nikshiç të mos marrë krahun e serbëve por të mbrojë shtetësinë e Malit të Zi.
“Në muajin e katërt që ju jeni në pushtet në nivelin shtetëror dhe keni treguar se nuk keni asnjë program, vetëm urrejtje dhe arritjen e qëllimeve kundër Malit të Zi! Stafi i Serbisë së Madhe është në krye të arsimit, shkencës, kulturës, sigurisë, Universitetit, sporteve dhe së shpejti në Shërbimin Sekret! Fakulteti i Gjuhës Malazeze nuk ka të ardhura dhe tarifat për krijuesit e shquar malazezë! Çfarë keni kursyer në Mal të Zi, o URA?”, paralajmërojnë Abazoviçin nacionalistët malazezë.
Njëri prej tyre, Millan Knezeviç, siç bën të ditur ‘Sputnik’, ka paralajmëruar një përplasje të madhe civile në vend.
Knezeviç, i cili drejton Komisionin Parlamentar për Sigurinë Publike, shkoi edhe më larg duke deklaruar se Mali i Zi kërkon marrëdhënie të afërta me Republika Srpska.
Situata është vërtetë e tensionuar, edhe për faktin se skifterët e koalicionit të ri, më shumë se agjenda antiestablishment, i intereson zgjerimi i influencës serbe në Mal të Zi.
Në kuadër të Stërvitjes së NATO-s në Shqipëri më 26 prill, mësohet se dy luftanijet do të ankorohen edhe në portin e Tivarit, për të siguruar mbrojtje më të madhe të një kërcënimi të sigurisë së Rajonit.
Raketat ‘Patriot’ që do të ankorohen në Akademinë “Skënderbej” në Tiranë, mësohet se do të mbulojnë edhe rrezen që i takon Malit të Zi, bën të ditur gazeta malazeze “Vijesti”.
