E paralajmëroi largimin, reagon Spiropali: E habitur që i doli fjala Sali Berishës!

Duke reaguar në seancë plenare për shkarkimin e saj nga posti i ministres së Jashtme, Elisa Spiropali, tha se është habitur që i doli fjala Sali Berishës, pasi e kishte paralajmëruar largimin e saj në Parlament.

“Unë nuk flas vetëm anglisht, por edhe gjuhë tjetër të huaj. Por më mirë se shqipen nuk flas asnjë gjuhë. Edhe flas shqip, flas troç dhe flas sic duhet me Shqipërinë dhe për Shqipërinë. Çdo detyrë këtu në Kuvend është nder i madh. E vetmja gjë për të cilën më vjen keq është që largimin e paralajmëroi Sali Berisha dhe jo ndonjë tjetër. Vetëm për këtë jam e habitur që i doli fjala dhe për asgjë tjetër,“ tha Elisa Spiropali ndërsa iu përgjigj Sali Berisha duke i thënë se është viktimë e parëndësishme dhe më e merituara e Lubisë.

“Je viktima më e parëndësishme e Lubisë dhe më e merituara. Në një kohë kur sytë e shqiptarëve drejtoheshin drejt asaj sikur të ishte korba e zezë, në fakt aty afër ishte, ti na vije si nuse këtu, e veshur me të bardha, me të gjitha aksesorët. Pse çfarë kujton ti se bar hante Lubia? Ndaj dhe nuk e ke nga Sali Berisha, jo, e ke nga vetja jote, se jo që nuk e mbroje, përkundrazi gëzoheshe se tani do bëheshe ti zëvendëskryeministre, nuk ta priste mendja se ishte kjo tjetra, kloni i Lubisë. Ja ku e ke klonin,” tha Sali Berisha duke përfunduar:

“Ti ke probleme të mëdha në shkenca. Kjo është kloni. Ndaj dhe nuk e ke nga Sali Berisha atë, se për Sali Berishën, Edi Rama të lartësonte njëlloj siç lartësoi këtë klonin e Lubisë, por e ke nga vetja jote se more përpjetë ti. Iku Lubia, the tani, ja shiheni, unë do jem Lubia juaj tani, u thoshte kjo. Dhe këta të dhanë atë që meritove.“

Ndryshe, ashtu siç ishte paralajmëruar, dekretet e Presidentit për ndryshimet në qeveri u votuan por jo dhe imuniteti i Ballukut i cili u paralajmërua për seancën plenare të 12 Marsit 2026.