E paralajmëroi Presidenti/ Protestuesit përplasen me policinë. I vihet zjarri materialit zgjedhor në Shkodër!

Atë që paralajmëroi Presidenti i Republikës duke anuluar datën e zgjedhjeve 30 Qershor, e që vinte pas një analize të hollë të situatës politike dhe sigurisë në vend, sonte rezultoi e vërtetë në Shkodër dhe jo vetëm.

Politika kriminale e Edi Ramës, provokimet e vazhdueshme të ministrit të Brendshëm, Sandër Lleshaj, dhe këmbëngulja e Bashkisë së Shkodrës për të respektuar ligin, krijuan një klimë të tensionuar që përfundoi me zjarr dhe flak mbi materialin e paligjshëm zgjedhor të Denar Bibës.

Gjithçka filloi me ndërhyrjen arbitrare të Policisë së Shtetit në pronën e Bashkisë së Shkodrës e cila ka respektuar dhe vazhdon ta respektoj Dekretin e Presidentit të publikuar në Fletoren Zyrtare për anulimin e datës së zgjedhjeve 30 Qershor.

Nga disa KZAZ që Policia e Shtetit po ushtronte terror, shpërtheu në Shkollën “Shejnaze Juka” ku ishin materialet zgjedhore për qarkun të dorëzuara nga Komisioni Qendror i Zgjedhjeve. Grupi i Denar Bibës në KQZ me mbështetjen e Policisë së Shtetit refuzuan ta lirojnë objektin duke qenë të vendosur të shkelin Dekretin e Presidentit dhe të zbatojnë urdhërin e Edi Ramës.

Situata u përshkallëzua kur pranë kësaj shkolle u grumbulluan edhe protestuesit, dhe me urdhërat e Ish-Gjeneral Sandër Lleshajt policia nuk kishte se si të përfundonte ndryshe përveç se me shpatulla për muri.

Ndërsa pas thyerrjes së disa xhamave të shkollës i vunë flakën edhe materialit zgjedhir. Në vendngjarje shkuan forcat zjarrfikëse, dhe gjithçka përfundoi me përpjekjet e palëve për të ulur tensionet.