E pranoi humbjen nga Rama më 25 Prill, “Grupi për PD” nuk e pranon humbjen nga Lulzim Basha më 13 Qershor!
Për humbjen e PD më 25 Prill, “Grupi për PD” fajësoi Lulzim Bashën ndërsa për humbjen që pësuan vetë më 13 Qershor në zgjedhjet për Kryetarin e PD, jo vetëm që nuk e pranojnë por thonë se nuk ishin zgjedhje dhe sërsish akuzojnë Bashën.
“Këto zgjedhje nuk ishin zgjedhje nuk ishin as zgjidhje ishin jashtë çdo standardi vendor, e jo më ndërkombëtar për t’u quajtur zgjedhje. Ne do të vazhdojmë të punojmë brenda PD-së. për të ringritur PD nga A për ta rithemeluar. Nuk ka përfunduar me datën 13 qershor, kjo do të vazhdojë dhe ky grup ka të njëjtin qendrim. Këto nuk ishin zgjedhje. nëse vazhdon që të quhet kryetar partie le të vazhdojë të jetë,” tha Edith Harxhi e cila përveç se nuk njeh Partinë Demokratike dhe kryetarin e saj nuk njeh as ata që ka në krah.
Ish-Presidenti i Republikës dhe Kryetari i Këshilli Kombëtar, Bujar Nishani, akuzoi Bashën për vjedhjen e zgjedhjeve ndërsa Ish-Anëtari i Këshillit Kombëtar të PD, Arben Imami, dëshmoi se përveç PD-së nuk njeh as Kryetarin e saj:
“Është një shqetësim jo vetëm i joni. Besoj se është një shqetësim i shoqërisë. Po evidentojmë se kemi probleme thelbësore me zgjedhjet në këtë vend. Ngrihet pushteti shfrytëzon të gjithë fuqinë e tij, i vjedh zgjedhjet në favor të pushtetit të vet. Bëhen zgjedhjet në parti ngrihet i pushtetshmi brenda partisë dhe i vjedh zgjedhjet në favor të pushtetit të tij. Në Korçë bashkia Korçës ku patën mundësi kandidatët të kontrollin pjesërisht pushtetin rezultoi se fitoi vetëm 70%. Në Devoll kryetari i PD deklaroi publikisht se ndihet i turpëruar dhe e bojktoi procesin e votimit pasi nuk anëtarëve u mohua pjesëmarrja. 50% e anëtarësisë fshihet. Një media ka treguar si hidhen 7 fletë votimi në kuti dhe kjo ka ndodhur kudo. Sot përfaqëson minorancën e PD më pak se 30% të anëtarësisë së PD-së,” tha Nishani e Imami si mjeshtër i propagandës harroi se ai nuk arsye ta dijë por në vitin 2017 Lulzim Basha mori më shumë vota se sa që ishte pjesëmarrja më 13 Qershor. Gjithsesi, foli nga hotelia jo nga partia, e kush paguan hotelin kërkon dhe llogari, e Arben Imami e arsyetoi duke thënë:
“Në vitin 2017 z. Basha ka marrë 25000 vota më pak se në vitin 2021 dhe arsyeja është se zgjedhjet e para 4 vitesh kanë qenë totalisht të montuara. Këto zgjedhje janë përtej njohjes apo mosnjohjes. Kandidatët nuk kanë pasur listat. Edhe sot pasi kanë mbaruar zgjedhjet kandidatët nuk kanë listat e partisë. I them z. Basha që ti nuk je kryetar i një subjekti terrorist, komunist, që i mban të fshehta listat e partisë. Në një parti si PD nuk mund të ketë lista të fshehta të partisë.”
Ndryshe në zgjedhjet e 13 Qershorit ku morën pjesë 41.097 nga 75.067 anëtarë të PD sa tha Komisioni i Zgjedhjeve që ka anëtarë Partia Demokratike, 32.882 votuan për Lulzim Bashën duke e renditur të parin në garën për Kryetar, ndërsa kandidatja e këtij Grupi, Edith Harxhi u rendit e treta me vetëm 983 vota! Agron Shehaj u rendit i dyti me 6.038 vota, Fatbardh Kadilli ishte i katërti me 781 vota ndërsa 413 vota ishin të pavlefshme!
