E pranoj se mori gazin lotsjellës në Kosovë, por Ish-Gjeneral Lleshaj sulmoi opozitën!
Ministri i Brendshëm, Sandër Lleshaj, pranoi se Policia e Shtetit ka marrë gaz lotsjellës nga Kosova, gjatë periudhës së protestave të opozitës por gjatë interpelencës sot në Parlament për përdorimin e gazit lotsjellës nga policia, ai përsëriti se ky gaz ka qenë nga rezervat që policia ka pasur nga qeverisja e kaluar ndërsa sulmoi opozitën si shkaktare e gazit pa sqaruar se pse u kontaminua vendi deri tek nënkatshet ndonëse kishim një protestës para Kuvendit.
Tashmë kur është bërë publike Marrëveshja sekrete, ai tha se në muajin qershor të 2019-ës është marrë një sasi gazi nga Kosova, e cila sipas tij, nuk është përdorur asnjëherë, por është kthyer sërish atje ku është marrë.
Pse nuk është përdor, është e qartë se nuk kishte nevojë për shkak të rrjedhës dhe natyrës së protestës, por edhe me këtë rast ai akuzoi opozitën.
“Më 2019 institucionet e shtetit shqiptar janë vërë përballë sulmeve të dhunshme, që kanë paraqitur rrezik për institucionet për jetën e qytetarëve, të deputetëve, të zyrtarëve të lartë të shtetit dhe kanë sfiduar rendin kushtetues të Shqipërisë. Përballë këtyre kushteve, policia ka aplikuar një strategji de-eskaluese, që synon jo përshkallëzim, por de-eskalim. Policia ka vepruar një shkallë më poshtë, në nivelin me të cilin është ndeshur, dhe ka luftuar që të mos ketë asnjë viktimë. Ja ka dalë të mbrojë jetën e qytetarëve. Ja arritën për herë të parë që të mos kemi gjak në rrugët e vendit, armë e jetë të humbura. Gazi është përdorur nga rezervat që policia ka pasur që prej qeverisjes së mëparshme.”
Nuk foli për sasinë e saktë që përdori policia në proporcion me numrin zyrtar të protestuesëve që ishin para Kuvendit, dhe arsyen pse u kontaminua qyteti i Tiranës deri tek Bulevardi i ri, por turpin e gjeti tek opozita:
“Nga Kosova është marrë në muajin qershor një sasi dhe nuk është përdorur asnjëherë, është kthyer sërish atje ku është marrë. Është fatkeqësi dhe turp i madh për këdo që merr dhe ballafaqon fëmijë, gra e pleq përpara policisë. Policia kurrë nuk është angazhuar dhe as do angazhohet me forcë përballë qytetarëve të saj, grave e fëmijëve, por ndaj atyre që shkelin ligjin, që kryejnë krime. Policia ekziston për të frenuar kriminelët, jo popullin. Kush është ai burrë shqiptari që i merr fëmijët e gratë për t’i ballafaquar me policinë? Duhet të jesh aq dinjitoz, sa për të larguar fëmijët nga dhuna. Ata që kanë vënë fëmijët para policëve, kanë shkelur çdo etikë,” tha Ish-Gjeneral Sandër Lleshaj që sicc duket veten e vlerëson dinjitoz, burrë dhe njeri që nuk shkelë çdo etikë.
Pas kësaj përgjigje çdo fjalë e pasqyruar që ka dalë nga goja e këtij njeriu është e tepërt dhe fyerje edhe për një analfabet funksional.
