E solli Zotni Lafsha “mbron” Berishën: Kur nazistët kishin shumicën në parlament, deputetët gjermanë u dërguan në burg!

Vizita e deputetit gjerman, Gunther Krichbaum i CDU nuk dihet me agjendë të kujt është, Zotni Lafshës apo Kunatit, por mosrespektimi i strukturave të PD tregon se ai vetëm në emër të CDU-së nuk vjen!

Dhe jo vetëm kaq!

Përveç mosrespektimit të strukturave të PD që i njeh dhe Kryetarja e Parlamentit të Shqipërisë, Krichbaum në zellin për ta bërë avokatinë e Zotni Lafshës, madje siç thotë dhe vetë është jurist për nga formimi, ngatërron personin e hetuar me të akuzuarin ndërsa për imunitetin aq shumë të debatuar të deputetit të PD, Sali Berisha, nëse është shkelur ose jo nga SPAK dhe GJKKO, ashtu si dhe miku i tij 7×7=42, ai i vë pikën:

“Deklaratat për politizim e SPAK janë absurde, duhet ta mbrojmë, jo ta sulmojmë. Imuniteti nuk është një privilegj për parlamentar të caktuar. Ai mbron funksionalitetin e parlamentit. Që do të thotë; në kohën e Gjermanisë naziste, kur deputetë gjermanë u dërguan në burg, nazistët kishin shumicën në parlament. Ndaj është imunitetit,” thotë miku i Zotni Lafshës duke qenë, pa dashje, më i ashpër se Sali Berisha ndërsa shkoi te nazistët dhe shumicën parlamentare që kishin arrestuar deputetë, siç bënë sot, Edi Rama!

Pastaj, me informacionet gjysmake të Zotni Lafshës ndonëse që të dy me formim jurist ngatërron imunitetin i cili nuk vlenë për parlamentarë të veçantë:

“Ai garanton dhe mbron funksionalitetin e parlamentit, por jo të parlamentarëve të veçantë. Imuniteti mund të pezullohet nga autoritetet ligjzbatuese. Këto trajtohen përtej kufijve partiakë, në Gjermani. Kur bëhet fjalë për pikëpyetje të çështjeve të imunitetit, nuk duhen lënë dyshimet. Nuk duhet pranuar një mënyrë tjetër. Dua të shprehem shumë qartë. Sa i përket luftës kundër korrupsionit, vijimi është i vetëkuptueshëm. Lufta nuk është qëllim në vetvete. Korrupsioni prek më të varfëri e të varfërve në vend. Të gjithë janë të barabartë para ligjit.” 

Dhe, çuditërsiht iu desht të thotë se nuk është vetëm për Lulzim Bashën, por e zbuloi backgroundi i tij politik dhe juridik. Gjatë kësaj vizite nuk veproi si herë të tjera për ta takuar Kryetarin e Grupit Parlamentar të PD, dhe meqë nuk është ai që e ka konfirmuar Zotni Lafsha takon Jorida Tabakun pa asnjë funksion në PD.

“Më duhet të them se nuk jam takuar vetëm me Lulzim Bashën, por jam takuar dhe me pjesëtarë të tjerë të KE, si me Jorida Tabakun. Jemi në kontakt me njëri-tjetrin. Edhe me përfaqësues të krahut të Berishës kam pasur takime dhe takohem. Më vjen keq që PD është e ndarë në këtë moment. Është me rëndësi dhe aspekti tjetër, botëkuptimi i qeverisë. Që të kemi një PD të fortë shpresoj,” zbuloi merakun e madh që ka Krichbaum dhe injorancën juridike të barazvlefshme me atë të mikut të tij Zotni Lafshës:

“Sa i përket zotit Berisha, tani është nën akuzë të fuqishme nga ana e SPAK. Fillimisht për secilin të akuzuar, ekziston prezumimi i pafajësisë, deri sa pafajësia të dëshmohet në gjykatë. Akuzat janë të forta. Këtu bëhet fjalë për procese që përfshijnë prona të caktuara. Amerika e ka shpallur non-grata,” thotë njeriu me formim juridik duke e ngatërruar hetimin me akuzën të cilën nuk e konfirmuar asnjë institucion për ta marrë si të pandehur, dhe çuditërisht deputeti i Bundestagut rendit si akuzë masën e shtetit amerikan “non grata” dhe nuk sqaron pse Gjermani nuk e shpalli “non grata” Sali Berishën, meqë na qenka faqja e zezë e zezë e këtij vendi!

Në fund, bënë edhe një gafë ekstreme juridike:

“Para se unë të takohem me njerëz, do të doja të mos kishim akuze konkrete. Nuk bëhet fjalë për krime kavalieriteti, por për akuza penale. Jam jurist për nga formimi,” thotë deputeti gjerman, Gunther Krichbaum, duke pasur përballë gazetarët shqiptarë që e dinë se është pikërisht Lulzim Basha që ka akuzë konkrete nga drejtësia amerikane dhe është Edi Rama ai që nuk ka lejuar këtë SPAK-un, që ky sugjeron ta mbrojmë, që mos ta zbardhë të vërtetën e lobimit amerikan të PD me Bashën kryetar, dhe ndërhyrje së kompanisë ruse në gjithë këtë ngatërresë.

Ndryshe, sa i përket Prokurorisë së Tiranës ajo është sqaruar pse nuk ka dërguar letërporosi në Depërtamentin amerikan të Drejtësisë lidhur me çështjen e lobimit të Lulzim Bashës, por shpresojmë që këtë ta kuptoj edhe deputeti gjerman meqë ata që takon, dëshiron të mos kenë akuzë konkrete.