E thirri, Populli iu përgjigj por Ilir Meta nuk e dëgjojë, nuk e shpërndau Parlamentin!
Presidenti i Republikës, Ilir Meta, i bëri thirrje Popullit që ta mbështesë në mbrojtje të Kushtetutës dhe ai do tē veproj siç thotë Populli pasi institucionet kanë rënë. Populli iu përgjigj, por ai sot nuk e shpērndau Parlamentin siç kërkoi Populli.
Prap i gēnjeu siç bēri nga viti 1998, dhe nē vend tē Dekretit pēr shpërndarjen e Parlamentit, firmosi përpara popullit Dekretin kundër betimit të anëtarëve të Gjykatës Kushtetuese tek noteri, duke përsēritur prap paralajmērimin: Nëse ky dekret nuk merret parasysh do të firmosë shpërndarjen e Parlamentit!
Dhe, sot Ilir Meta iu kthye datës qē shumë koka të mençura i kishin propozuar ashtu si dhe PaFrike nē analizat e saj, pas datës 15 mars, kur përfundon Reforma Zgjedhore, por Meta i kishte shpērfillur, i vendosur ta bējē këtē tubim mē 2 Mars, ditēn e themelimit të Internacionales Komuniste!
Por edhe sot mashtroi, nuk u përmbajtë duke theksuar se nëse nuk e marrin parasysh Dekretin e sotēm do të shpërndajë Parlamentin në mes të selisë së tij.
“Nëse grushti i shtetit dhe organizata mafioze ndërkombëtare që ka vite që luan me popullin tonë, nuk e merr seriozisht këtë dekret, unë u jap fjalën në emër të këtij flamuri, për të cilët janë vrarë mijëra dëshmorë se pas datës 15 mars kur të përfundojë reforma zgjedhore, nëse ata nuk do ta marrin seriozisht popullin kuqezi që votoi sot kundër grushtit të shtetit, unë Ilir Meta do të betohem se këtë dekret nuk do ta firmos këtu, do ta firmos në mes të Parlamentit, atje në mes të krimit dhe do t’i bëjë thirrje popullit shqiptar, unë i pari dhe gjithë popullit kuqezi, jemi populli që vuajti më shumë se kushdo komunizmin. Jemi vendi ku u varën klerikët, hoxhallarët.”
Shumë prej jush mund të kenë pasur ndonjëherë vërejtje për tonin tim, tha Ilir Meta edhe pse e din qē vërejtjet qē kanë shqiptarët pēr Metën kanë të bējnē me mashtrimet dhe vjedhjet e tij, dhe nuk e vranë mendjen njeri për zërin.
Gjithsesi, Meta nuk e ka problem, vazhdoi me mashtrimin e pērsëritur pēr dy javē për mbrojtjen e sovranitetit.
“Nuk kam treguar asnjë për qind të krimeve që kanë ndodhur sovranitetin tuaj. Dua të siguroj se kjo pranverë kuqezi nuk ndalet më deri në rivendosjen e plotë të sovranitetit tuaj të rendit demokratik dhe llogaridhënës në Shqipëri. Tani do t’ju lutesha shumë, e gjithë bota demokratike, të gjithë partnerët me integritet që kanë respekt për popullin tonë dhe nuk mund të ketë respekt për vendin tonë në rast se mbështet këtë sekt që dhunon Kushtetutën. Kjo është Kushtetuta e miratuar me 140 vota, kjo është Kushtetuta e popullit dhe ne do ta mbrojmë.”
Lutja e fundit, nuk kishte si tē përfundonte ndryshe kur del nga goja e një njeriu të pafe:
“Mos i jepni alibi puçistëve, asnjë mimozë mos hidhni tek institucionet, ato nuk hidhen, dhurojuani policëve tanë. Zëri i popullit, zëri i Zotit.”
Kështu, sot më 2 Mars nuk ndodhi Besëlidhja siç paralajmëroi Presidenti i Republikës, as Besëlikja siç e pagëzoi miku i tij Edi Rama, por Besëzgidhja ashtu siç e parashikuan ata që kanë humbur besimin tek mashtruesi Ilir Meta.
