ECDC: Vetëm vaksinimi nuk mund ta ndalë Omicronin; CDC: Do të kufizohet…
Pasi Qendra evropiane për Parandalimin dhe Kontrollin e Sëmundjeve, ECDC, ka paralajmëruar se vetëm vaksinimi nuk do të mund të ndalë variantin e ri të koronavirusit, Omicron, sot Qendra amerikane për Kontrollin dhe Parandalimin e Sëmundjeve, CDC, do të shqyrtoj kufizimin e mundshëm të përdorimit të vaksinën kundër COVID-19, Johnson & Johnson për shkak të problemit të shfaqur me mpiksjen e gjakut.
Sipas të përditshmes amerikane Washington Post, bordi këshilldhënës për vaksinim pranë CDC do të prezantoj të dhëna të reja që dëshmojnë se rasti me mipksjen e gjakut nga muaji prill është rritur tek njerëzit që kanë vaksinën e kompanisë Johnson & Johnson.
Ndërkohë Agjenci e Bashkimit Evropian ECDC paralajmëroi se vetëm vaksinimi nuk do të mund të parandalojë variantin Omicron dhe se ka nevojë urgjente për veprim.
“Në situatën aktuale, vetëm vaksinimi nuk do të mund të parandalojë efektin e variantit Omicron sepse nuk do të ketë kohë të adresohen mungesat në vaksinim që ekzistojnë ende”, tha Drejtori i ECDC, Andrea Ammon, duke ngritur dhe vlerësimin e rrezikut të efektit të Omicronit në shëndetin publik në “shumë të lartë”.
Agjencia ka bërë thirrje për fuqizimin dhe rikthimin intervenimeve jofarmaceutike, raporton RFE si dhe bartjen e maskave, higjienën e duarve, distancën në punë dhe parandalimin e grumbullimeve në hapësira publike ndërsa Ammon shtoi:
“Është urgjente që veprime të fuqishme të merren për të zvogëluar transmetimin dhe të zbusin presionin mbi sistemin shëndetësor, për të mbrojtur grupet më të ndjeshme në muajt në vazhdim.”
Ndërsa Drejtori i Organizatës Botërore të Shëndetësië, Tedros Adhanom Ghebreyesus, tha se varianti Omicron është raportuar në 77 vende dhe ka gjasa që të jetë shpërndarë te shumica e vendeve, i padetektuar në një shpejtësi që nuk e kemi parë te variantet tjera.
Tedros paralajmëroi se nuk duhet që Omicron të quhet “i lehtë”, pasi sipas tij, edhe pse ky variant shkakton sëmundje më të lehtë, “numri i rasteve mund të mbingarkojë sistemin shëndetësor”.
