Edhe 1 rast, shkon ë 126 numri i të prekurve me koronavirus
Gjatë 24 orëve janë testuar 58 pacientë të dyshimtë ku njëri prej tyre rezultoi pozitiv duke e çuar në 126 numrin e të prekurve me koronavirus në Kosovë. Duke përditësuar të dhënat Instituti i Shëndetit Publik tha se do të hulumtohen të gjitha kontaktet dhe të testohen.
“Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e shëndetësisë dhe Instituti kombëtar i Shëndetësisë Publike të Kosovës,” thekson Insituti duke e bërë të qartë që nëse nuk u përmbahemi masave të rekomanduara më herët nga MSh dhe IKSHPK për qëndrim në shtëpi, respektim të masave higjienike dhe të distancimit social, atëherë rrezikojmë të kemi përhapje komunitare.
Ndërkohë mësohet se në katër komunat në veri të Kosovës aktualisht janë 12 persona të infektuar me COVID-19. Drejtori i Spitalit në Veri të Mitrovicës, Zllatan Elek, tha se shifrat po ndryshojnë nga çasti në çast.
“Vërtet është një gjendje e rëndë dhe numri i të infektuarve po ndryshon nga çasti në çast, por për shifra të sakta duhet të kontaktoni shtabin e krizës,” tha Elek.
Mësohet se deri tani në veri janë mbi 200 persona të dyshuar se janë prekur me koronavirus dhe të cilët janë në izolim, ndërsa analit e tyre janë dërguar në Institutin e Kralevës në Serbi.
Njoftim
Sot pasdite përfundoi testimi i 58 pacientëve të dyshimtë nga Klinika Infektive dhe Klinika e Pulmologjisë, ku një (1) prej të cilëve rezultoi pozitive. Pacientja është nga Korisha e Prizrenit.
Do të hulumtohen të gjitha kontaktet dhe të testohen.
Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e shëndetësisë dhe Instituti kombëtar i Shëndetësisë Publike të Kosovës.
Por, nëse nuk u përmbahemi masave të rekomanduara më herët nga MSh dhe IKSHPK për qëndrim në shtëpi, respektim të masave higjienike dhe të distancimit social, atëherë rrezikojmë të kemi përhapje komunitare.
NA NDIHMONI PAK QË TË JU NDIHMOJMË SHUMË!
TA PARANDALOJMË KËTË!
QËNDRONI NË SHTËPI, KJO UA SHPËTON JETËN!
PËR TË GJITHË QYTETARËT TANI ËSHTË I OBLIGUAR VETËIZOLIMI NË SHTËPI!
KOSOVA ËSHTË NË KARANTINË GJEOGRAFIKE!
