Edhe 151 raste, 10.704 të prekur me koronavirus në Shqipëri
Pas testimit të 852 personave të dyshuar gjatë 24 orëve të fundit 151 prej tyre rezultuan pozitiv me COVID-19 duke e çuar në 10.704 numrin e të prekurve me koronavirus në Shqipëri. Duke përditësuar të dhënat, Dr.Rovena Daja nga Intituti i Shëndetit Publik raporton për 1 qytetarë që ka humbur betejën me koronavirusin gjatë 24 orëve të fundit ndërsa janë shëruar 45 pacientë.
Deklaratë:
Ministria e Shëndetësisë ka njoftuar se vetëm një paciente 61 vjeçare nga Korça ka hùmbùr bètèjën me koronavirusin dhe nga 852 testime, 151 persona kanë rezultuar pozitivë gjatë 24 orëve të fundit.
Shpërndarja gjeografike e rasteve pozitive ditore është si vijon: 39 raste në Tiranë, 27 raste në Durrës, 16 raste në Korçë, 14 raste në Shkodër, 10 raste në Lushnje, 8 raste në Gramsh, 6 raste në Elbasan, nga 5 raste në Krujë, Mirëditë, 4 raste në Fier, 3 raste në Gjirokastër, 2 raste në Devoll, Divjakë, Kolonjë, Vorë, 1 rast në Kurbin, Kavajë, Berat, Mallakastër, Sarandë, Patos.
Ndërkohë spitalin Infektiv dhe “Shefqet Ndroqi” po trajtohen 192 pacientë, 19 në terapi intensive nga të cilët 5 pacientë janë të intubuar.
Nisur nga vlerësimi i situatës epidemiologjike në vend të përhapjes së infeksionit SARS-COV2, Ministria e Shëndetësisë dhe Mbrojtjes Sociale ju bën apel qytetarëve të respektojnë masat për parandalimin e ketij infeksioni të rrezikshëm:
Ruani distancimin social; Mbani detyrimisht maskë në ambiente të mbyllura dhe aty ku nuk ruhet dot distance; Kujdesuni për higjenën e duarve dhe atë respiratore; Dezifektoni objeketet që prekni, ajrosni ambientet, shmangni grumbullimet, të gjitha këto janë masa të rëndësishme që ju mbrojnë nga COVID-19.
Duke ju risjellë në vëmendje të mos neglizhoni shenjat e COVID-19, ju lutemi në çdo rast kur keni shenja të sëmundjes telefononi në numrin unik të Urgjencës Kombëtare 127.
Ndërsa nëpërmjet linjës së gjelbër 0800 40 40 mund të lidheni me mjekun tuaj të familjes, të merrni këshillim psikologjik si dhe informoheni saktë për pyetjet që keni për COVID-19.
COVID-19 – Statistika (9 Shtator 2020); Testime totale 70410; Raste pozitive 10704; Raste të shëruara 6284; Raste Aktive 4098; Humbje jete 322 (Qarku Tiranë 154, Durrës 44, Shkodër 36, Elbasan 20, Fier 16, Korçë 13, Lezhë 12, Kukës 8, Dibër 7, Vlorë 6, Gjirokastër 4, Berat 2)
Shpërndarja gjeografike e rasteve aktive sipas qarqeve: Tiranë 2148; Durrës 483; Shkodër 334; Lezhë 232; Elbasan 184; Korçë 158; Fier 146; Vlorë 138; Kukës 130; Berat 77; Gjirokastër 37; Dibër 31.
