Edhe 26 ditë, Basha: Shqipëria, me borxhin publik më të lartë në Evropë

Sot kur kanë ngelur vetëm 26 ditë nga zgjedhjet parlamentare të 25 prillit, Kryetari i Partisë Demokratike, Lulzim Basha, ndërsa rendit 100 dështimet e kryeministrit Edi Rama në 8 vite qeverisje thekson se Shqipëria ka sot borxhin publik më të lartë në Evropë.

“26 ditë deri më 25 prill. Cili është vendi me nivelin më të lartë të borxhit publik në rajon?” shprehet Lulzim Basha në reagimin e tij përmes rrjetit social Instagram ndërsa përgjigjet:

“Shqipëria! Shqipëria ka sot nivelin më të lartë të borxhit publik në rajon dhe ndër më të lartët në Europë.”