Edhe 29 raste të reja, asnjë humbje jete nga koronavirusi në Kosovë

Pas testimit të 280 personave gjatë 24 orëve të fundit 29 prej tyre rezultuan pozitiv me COVID-19 duke e çuar në 230.591 numrin e të prekurve me koronavirus në Kosovë. Duke përditësuar të dhënat, Instituti i Shëndetit Publik raporton se nuk ka asnjë humbje jete nga koronavirusi gjatë 24 orëve të fundit ndërsa janë shëruar 15 pacientë.

Njoftim:

23 Qershor 2022: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët janë dhënë 37 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.830.280 doza të vaksinës. Deri më sot 823.629 qytetarë janë vaksinuar me dozën e dytë. Deri më sot janë dhënë 103.098 doza përforcuese dhe doza të treta të vaksinës kundër COVID-19.

Nga 280 testime, 29 qytetarë kanë rezultuar pozitiv në COVID-19.

Gjatë 24 orëve të fundit, nuk është shënuar asnjë rast i vdekjes. Sot janë shëruar 15 qytetarë, derisa numri i përgjithshëm i të shëruarve është 225.312.

Vaksinohu!