Edhe 3.780 të prekur dhe 602 të vdekur nga koronavirusi në Itali

Brenda 24 orëve në Itali janë zbuluar edhe 3.780 të prekur ndërsa kanë ndërruar jetë 602 të infektuar me koronavirus. Përditësimin e të dhënave e bëri publik kreu i Emergjencave civile, Angelo Borrelli duke shtuar se numri i personave të shëruar për 24 orë është 408.

Në 24 orët e fundit në shtetin fqinjë kanë humbur jetën nga koronavirusi 602 persona, 49 persona më pak se dje. Ndërsa ditën e shtunë numri i viktimave ishte 793 ne 24 ore.

Kështu numri i të vdekurve në Itali që prej nisjes së pandemisë më 21 shkurt është 6.077 ndërsa dita më tragjike ishte e shtuna e 21 Marsi kur koronavirusi mori 793 jetë njerëzish.

Aktualisht Italia regjistron 50.418 të prekur në total nga Covid-19 ndërsa janë shëruar 7.423.