Edhe 4 raste me koronavirus, Qeveria e Kosovës shpallë gjendjen e emergjencës

Qeveria e Kosovës ka shpallur gjendjen e jashtëzakonshme për shëndetin publik. Ky vendim është marrë pas identifikimit edhe të 4 rasteve me koronavirus dhe me propozimit të Ministrit të Shëndetësisë, Arben Vitia.

Vendimi i Qeverisë ka hyrë menjëherë në fuqi.

Sipas këtij vendimi, Ministria e Shëndetësisë është përgjegjëse për menaxhimin e situatës së shpallur të emergjencës për shëndetin publik.

Ndryshe, sot janë konfirmuar 4 raste të reja duke çuar në 9 numrin e të prekurve me Koronavirus në Kosovë. Pas bëri publike rezultatet e testimeve përmes rrjetit social Facebook, ministri Vitia u shpreh:

“Tri raste janë nga Komuna e Malishevës, që të tre persona kontakti të një pacienteje të diagnostikuar pozitive me COVID-19, me datë 14.03.2020 dhe rasti i katërt është personi nga Komuna e Podujevës. Përfshirë edhe rastet e mëhershme, tani më në Kosovë kemi të konfirmuara 9 raste pozitive me COVID-19,” tha Ministri i Shëndetësisë duk bërë thirrje:

“Të dashur qytetarë ju ftojmë të bashkëpunojmë në menaxhimin e kësaj situate. Kjo duke ndjekur rekomandimet nga Ministria e Shëndetësisë dhe Instituti Kombëtar i Shëndetit Publik, si dhe duke qëndruar në shtëpitë tuaja, që të kujdesemi për shëndetit njëri-tjetrit. Reduktoni daljet veç në raste emergjente.”