Edhe 5 raste, 170 të prekur me koronavirus në Kosovë
Gjatë 24 orëve të fundit janë zbuluar edhe 5 raste të reja duke e çuar në 170 numrin e të prekurve me koronavirus në Kosovë. Duke përditësuar të dhënat, Instituti i Shëndetit Publik thekson se deri më sot janë testuar 2.106 persona prej të cilëve 170 kanë rezultuar pozitiv me COVID-19 ndërsa 4 prej tyre kanë humbur betejën me koronavirusin.
Ndërkohë një lajm i mirë vjen nga Klinika Infektive prej nga është liruar në shtëpi foshnja 5 muajshe nga fshati Topanicë e Kamenicë e cila kishte rezulutuar pozitive me COVID-19.
“Foshnja tashmë është në shtëpi dhe gjendja e saj është stabël,” tha zëdhënësja e Komunës së Kamenicës, Margarita Rashiti, duke shtuar se tashmë foshnja ashtu si personat e tjerë, duhet të qëndrojnë në vetizolim dhe t’i respektojnë të gjitha udhëzimet nga organet kompetente deri të shërohen nga ky virus.
Në fund, IKSHPK ndërsa vëren daljet masive në orët e lira të lëvizjes dhe tubime të njerëzve gjithandej vendit, i bënë apel të kenë kujdes sepse e gjithë kjo mund të shkaktojë shpërthim epidemik.
“Kënga më patriotike që duhet të këndohet nga të gjithë sot pa marrë parasysh etninë e ngjyrimet politike, fetare, racore është zbatimi i rekomandimeve të Institutit Kombëtar të Shëndetësisë Publike,” është Apeli i IKSHPK duke përfunduar:
Leni ndejat, odat, mbledhjet!
Njoftimi:
Sot më 07.04.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 13 mostra të marra nga rastet e hospitalizuara në Klinikën Infektive Nga mostrat e marra për testim në virusin SARS-CoV-2, pesë (5) prej tyre kanë rezultuar pozitive.
Rastet pozitive kanë kërkuar ndihmë në Klinikën emergjente, Një prej të cilëve ka ardhur në gjendje të rëndë shëndetësore e që pas testimit post mortem ka rezultuar pozitiv. Një punëtor nga Malisheva dhe një nga Mitrovica.
Një pacient nga Gjilani po hulumtohen kontaktet dhe një laborant nga Gjakova.
Nga data 08.02.2020 deri me 07.04.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 2.106 mostra të dyshimta në virusin SARS-CoV-2 dhe prej tyre, pozitive rezultojnë gjithsej 170 raste me 4 raste të vdekjes të cilët kanë pasur sëmundje të tjera shoqëruese.
Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 3.304 kontakte të rasteve.
9), Serbi (58), Luksemburg (41), Hungari (38), Slloveni (30), Bullgari (22), Shqipëri (21), Maqedoni e veriut (21), Kroaci (16) dhe Mali i Zi (2).
JU LUTEMI QËNDRONI NË SHTËPI, KJO UA SHPË TON JETËN!
MBANI DISTANCË SOCIALE PËR 2 METRA!
NA NDIHMONI PAK QË TË JU NDIHMOJMË SHUMË!
Ju faleminderit për mirëkuptim!
