Edhe Edi Ramës që lëviz me helikopter i ngeci në fyt Bypassi i Fierit

Ndonëse lëviz me helikopter edhe nga Vlorë në Vlorë, Kryeministri EdI Rama gjatë bilancit për mësimet dhe objektivat për sezonin e ardhshëm turistik sot në Vlorë u ndal sërish tek bypass-i i Fierit.

“Na është bërë si bypass i fytit nga sikleti” tha njeriu që nuk lëviz nëpër asfalt duke shtuar:

“Realisht është një legjendë katastrofike paaftësie dhe korrupsioni!”

Po, legjendë kjo katastrofike paaftësie dhe korrupsioni pë shtetin që drejton vetë Edi Rama për plotë 5 vjet dhe ndërsa jep arsyetimin si gjithmonë:

“Na është dashur të prishim komplet kontratën dhe të bënin gjithça nga e para me Bankën Europiane për Zhvillim. Tani procesi ka filluar dhe shpresojmë shumë që brenda disa javëve të na vijë përgjigjja përfundimtare e bankës, të lidhet kontrata dhe sezonin e ardhshëm  ta gjejë rrugën e By-Pass të hapur për të qenë e kalueshme, nëse jo e përfunduar tërësisht. Kështu të kompletohet e gjithë lidhja me Vlorën.”

Më pas Rama foli dhe për rrugën Kashar- Rrogozhinë dhe premtoi se bulevardi i ri i Vlorës sezonin e ardhshëm do jetë gati.

“Pak më tutje vjen projekti i tjetër rrugës Kashar- Rrogozhinë që e pret komplet në diagonal rrugën drejt Fierit e Vlorës dhe e bën Tiranë-Vlorë për 55 minuta,” tha Edi Rama i cili edhe vetë çuditet me vlonjatët pse heshtin dhe sa shumë janë të durueshëm”

“Më vjen mirë që sidoqoftë vlonjatët nuk po nxjerrin zë për bulevardin e ri ku është bllokuar trafiku dhe është ngushtuar rruga. Nuk po dëgjoj më njeri që të thotë pse me rrugë të ngushta, pse na është bllokuar sepse e morën mësimin me Lungomaren. Mësuan se nuk duhet folur përpara se në fund pastaj me Edi Ramën nuk të del fjala. Bulevardi i ri do të jetë një tjetër vlerë e shtuar. Në sezonin e ardhshëm do ta kemi të përfunduar besoj dhe do të jetë realisht një tjetër vepër si Lungomarja për të cilën marrim mesazhe inkurajuese.”