Edhe një eksperte të besueshme që kishin shqiptarët, “e rrëmbeu” Edi Rama…

Pas tërmetit të tmerrshëm të 26 Nëntorit me magnitudë 6.4 të shkallës Rihter që godit Shqipërinë, shumë ekspertë sizmologë dhe jo vetëm u shfaqën për të kontribuar në qetësimin e banorëve të cilët I pushtoi paniku.

Falë aftësisë profesionale si inxhiniere e ndërtimit si dhe elekuencës dhe komunikimit, ekspertja Luljeta Bozo shumë shpejtë u bë ilaç për shqiptarët, si për sqarimin e gjithë asaj që u ndodhi shqiptarëve në Durrës dhe Tiranë ashtu dhe sjelljes që ata duhet ta kenë, në ditët në vijim.

Kur shqiptarët ndaluan së ndjekuri nëpër ekranet televizive sizmolog, arkitekt dhe inxhinier të ndryshëm të ndërtimtarisë duke u mjaftuar me këshillat e pedagoges Luljeta Bozo, papritmas ajo del me njeriun, besueshmëria e të cilit tashmë ka pësuar rënie, dhe që shqiptarët e kanë për fat ta kenë Kryeministër. Që kjo targjedi të jetë më e madhe, Edi Rama dhe zonja Bozo dalin në televizionin e paligjshëm qeveritar ERTV të cilin janë të detyruar ta transmetojnë të gjitha televizionet kombëtare dhe jo vetëm.

Sa do të jetë e besueshme pas këtij “rrëmbimi” Luljeta Bozo, nuk dihet! Gjithsesi ajo para Kryeministrit ngriti problemin se Instituti shqiptar i sizmologjisë nuk ka një grup pune që t’i mbulojë të gjitha, ndërsa theksoi se procesi i ekspertizës po has në probleme. Dhe jo vetëm kaq!

Ekspertët e huaj po i shpallin pallatet e  banueshme ndërsa shkon bashkia dhe i vë shiritin, i thotë Bozo kryeministrit me idenë se ai nuk e din.

Luljeta Bozo: Iku kjo e para ata që u shpëtuan, u shpëtuan. Njerëzit u futën. Mirë, keq. Tani fillon ekspertiza. E kam merakun këtu sepse nuk ka një grup në institut që ti mbulojë të gjitha. Shkon i huaji thotë që mban pallati, ndërsa shkon pushteti vendor dhe i vë shiritin.

Edi Rama: Ka një gjë. Të huajt i kemi kërkuar të na thonë mban struktura apo nuk mban struktura. Po shiriti të vihet deri sa të riparohet. Një shkallë që kërkon një riparim, prandaj janë këto shirita. Mendoj që do ishte pozitive nëse ju do na ofroni ndihmë për pjesën e paketës së riparimeve. Jeni një burim sigurie më shumë për njerëzit.

Luljeta Bozo: Kam qenë në shumë objekte dhe pas meje shkuan ekipi dhe i vunë shiritin. Atje kishte çarje të madhe por riparohet menjëherë dhe janë shumë të sigurta. Duhet një inxhinierë me shumë përvojë.

Por shumë duroi Kryeministri pa lëshuar asnjë batutë. Kështu u shpreh i mahnitur me moshën e saj, për të cilën tha Edi Rama do donte të kishte gjysmën e energjisë së saj. Por Bozo pa e kuptuar se e ishte e përdorur dhe po godiste besueshmërinë e saj me prezencën në zyrën e Kryeministrit, foli me një gjuhë normale

Edi Rama: Më jep energji. Ishalla në moshën tuaj unë kam gjysmën e energjisë suaj.

Luljeta Bozo: Jo mo, do keni më shumë.

Edi Rama: Jo mo, më shumë jo, sepse janë bateri që po konsumohen me shpejtësi në proces.Luljeta Bozo: I karikojmë, muhabet është ai!