Edi Rama, bëmë patronazhist të të ngjaj!
nga Agim Popoci
Pas publikimit të Grupit të Strukturuar Kriminal të Partisë Socialiste i cili menaxhon të dhënat e çdo qytetari shqiptar, me qëllim të kontrollit të aktivitetit politik dhe shoqëror, një armatë e tërë propagande është ngritur në këmbë për të relativizuar këto të dhëna dhe punën e menaxhuesve të këtyre të dhënave, që në data bazën e PS janë emëruar zyrtarisht si PATRONAZHIST!
Nëse i hedhim një sy këtyre patronazhistve, që tashmë kanë filluar të arsyetohen në popull nga personazhe të ndryshme publike ose jo, se punojnë për një 50 mijë leksh, na dalin bija, bijë dhe nipa spiunësh të Sigurimit të Shtetit që për 45 vjet keqtrajtuan, përdhunuan, internuan, burgosën dhe vranë të gjithë ata që partia kriminale PPSH i etiketonte si “armiq të popullit”. Dhe jo vetëm kaq!
Në masën më të madhe, patronazhistët janë pjesë e administratës publike, madje në mesin e tyre ka dhe profesor universitar që kanë qenë kandidat edhe për postin e rektorit të universitetit!
Pra, jo punë, por zell për spiunim, keqbërje, keqtrajtim dhe pse jo vrasje!
Prej nga buron gjithë ky zell komunist për krim në vitin 2021, tek i një i ri që lind edhe 20 vjet pas rënies së diktaturës është pyetja që duhet të shqetësoj çdo shqiptar, çdo ballkanas dhe pse jo çdo qytetar të Bashkimit Evropian që kjo racë kriminale do ti bashkohet!
Çdo socialist sot ka për model Kryeministrin Edi Rama dhe i përgjërohet, pavarësisht nëse është student, polic, mjek ose profesor, që ti jep mundësinë për tu bërë patronazhist me betimin se do ti ngjaj!
Sot një patronazhist nuk ka mundësi si Edi Rama të futet në lëvizjen studentore që pretendon ta rrëzoj diktaturën komuniste të Enver Hoxhës, për ta minuar atë; Ama patronazhisti sot është futur ndër studentët dhe ka protestuar për të drejtat e tyre duke mbledhur rreth vetes të gjithë ata që nuk marrin frymë majtas, dhe për një kohë shumë të shkurtër arriti që ta organizoj spektaklin e Kryeministrit me kartën e studentit dhe banalitete të ngjashme ndërsa studentët përfunduan në shtëpitë e tyre!
Sot një patronazhist nuk ka mundësi si Edi Rama që kërkonte varjen e të gjithë komunistëve dhe e quante Sali Berishën komunist duke tentuar të minoj themelimin e Partisë Demokratike; Ama sot patronazhisti vazhdon shkërmoqjen e Partisë Demokratike dhe duke identifikuar të kaluarën e lidershipit demokrat arrin ti bindë ata që binden edhe kur nuk binden, të krijojnë edhe parti tjera duke fajësuar Lulzim Bashën!
Sot një patronazhist nuk del si Edi Rama pro Paktit të Varshavës; Ama ky Grup i Strukturuar kriminal organizoi protesta Anti-NATO pasi identifikoi të dashuruarit e Pakti të Varshavës, ku dhe u tha se NATO nuk të jep bukë!
Sot një patronazhist nuk ka mundësi ta bëjë rebelin antikomunist si Edi Rama dhe të flas pro Amerikës duke e luftuar atë; Ama sot patronazhisti i shërbeu Kryeministrit Rama me të dhënat që iu servirën për të mbledhur një tufë bashkëmendimtarësh të Edi Ramës për të kundërshtuar Amerikën për armët kimike duke krijuar bindjen se një lëvizje qytetare po e kërkon atë!
Sot një patronazhist nuk ka mundësi të thotë se Rruga e Kombit është rrugë e asgjëkundit; Ama sot patronazhisti me të dhënat që iu dhanë për të menaxhuar arriti ti shërbej Kryeministrit Rama duke bindur ata që janë vënë në sitë se kjo qeveri i bëri urat që Saliu nuk i bëri dot!
Sot një patronazhist nuk e kërkon si Enver Hoxha dhe i biri Kristaqit bashkimin me Serbinë; Ama sot një patronazhist me të dhënat që ka arrinë të krijojë një opinion i cili mbështetet dhe kërkon një Mini Shengen në emër të një tregu të përbashkët në Ballkanin e vogël, jo vetëm pse Kryeministri Rama i ka premtuar Presidentit të Serbisë, Aleksandar Vuçiç.
Sot një patronazhist nuk i quan kuksianët si Edi Rama dikur Alpinë; Ama sot një patronazhist nuk pushon së propaganduari nga ata që i është futur në shtëpi, Aeroportin e Kukësit që ndërtoi Kryeministri Rama edhe kur ministrja Balluku tremb mizat me avion mbi pistë!
Sot një patronazhist nuk kërkon si Edi Rama bashkimin e Kosovës me Shqipërinë për të ardhur në pushtet, ose ndarjes së Kosovës për të qëndruar në pushtet; Ama sot një patronazhist kërkon dhe vazhdon krijimin e idesë për bashkimin e PS me PD sepse kjo i duhet Kryeministrit Rama pasi nuk i dolën mirë rezultatet e sondazheve!
Sot organet ligjzbatuese heshtin ashtu si dhe shoqëria shqiptare, me shtetin i cili përmes ca kriminelëve u futën në shtëpinë e çdo shqiptari dhe bëjnë gallatë duke folur për publikimin e një data baze e cila u publikua nga një socialist i zhgënjyer!
Jo, sot këtë datë bazë fatkeqësisht e publikoi vetë Edi Rama pasi konstatoi nivelin e ndërgjegjes që arriti çdo socialist, formimin ideologjik e politik, si dhe modelin e rrugëtimit që ka për tu bërë lider pa e çarë kokën pse është kriminal; Ç’është e vërteta kjo është një risi e madhe e madhe edhe për gjithë ish-bllokun komunist, se si sot pas 30 viteve ka komunist të rritur në frymë të tillë familjare, që burgosin e vrasin në emër të Ligjit, ata që mbushin rubrikat e padëshiruara në data bazën e PPSH dhe PS!
Fatkeqësisht, sot, 30 vjet pas rënies së diktaturës së spiunëve, çdo socialist edhe kur e di që Edi Rama si kryetar i Partisë Socialiste dhe kryetar i Këshillit të Ministrave ka një patronazhist dhe quhet Ervis Husha, dhe vetë ky Husha ka gjithashtu një patronazhist, i cili survejohet nga një patronazhist tjetër, kërkon nga Kryeministri Rama ti besoj detyrën e patronazhistit duke i premtuar se do ti ngjaj atij, i ligë, spiun, mashtrues, dhe, duke mos harruar, siç e do partia dhe Xhaxhi Enver, b.q.
Kjo është dhe arsyeja më madhore, që më 25 Prill, bota jonë e qytetëruar duhet të sjell ndryshimin duke i kthyer lirinë familjes dhe shtetit shqiptar, pse jo dhe këtij llumi kombëtar që e ka krijuar idenë se ndryshe nuk jetohet dhe punohet, përveç ashtu siç thotë Edi Rama që nga viti 2009, me patronazhistë nëpër këmbë!
