Edi Rama bënë gallatë, shkarkimi i Presidentit në Komisionin e Venecias!
Gallata e radhës me shkarkimin e Presidentit sërish vjen nga Edi Rama. Për çështjen e shkarkimit të Presidentit hodhën një lum akuzash, krijuan Komision Hetimor të bindur në shkeljet kushtetuese të Ilir Metës dhe sot socialistët vendosin ti drejtohen komisionit të Venecias pa e kuptuar se cili është roli i këtij institucioni ndërkombëtar.
Dhe, kush e bënë këtë propozim?! Kur hesht Ulsi Manja vetëm Klotilda Bushka mund ta zëvendësoj:
“Ky komision të vendosë marrjen e një opinioni nga Komisioni i Venecias.”
E kur heshtë Klotilda, flet Usliu:
“Kush është dakord që ne të marrim një opinion nga Komisioni i Venecias.
Por degjenirimi i Parlamentit të Shqipërisë nuk përfundon këtu. Përveç konsultimit me Komisionin e Venecias, deputetët socialist vigjilentë kërkojnë dhe vëzhgues ndërkombëtar në procesin hetimor ndaj kreut të shtetit. E fillon Bashkim Fino:
“Propozoj që të shtohet në planin paraprak të hetimit kërkesa për përcaktimin e ekspertëve vendas dhe të huaj.”
E vazhdon demokrati që nuk e tradhton Lulzim Bashën dhe Partinë Demokratike natën por vetëm ditën, deputeti Alban Zeneli:
“Në Shqipëri ekspertët pavarësisht anës profesionale janë të ndikuar në një anë apo tjetër politikisht. Nëse është e mundur që ekspertët tanë do të japin ndihmë në punën tonë në respekt të objektit të hetimit që ka ky komision hetimor të jenë edhe ekspertë të huaj. “
Kështu Edi Rama me gallatën e radhës mbyll edhe kapitullin se si do të fitoj në kohë në mënyrë që të mos e shkarkoj mikun me të cilin bënë 21 Janarin por edhe koalicionin qeverisës për ta larguar Doktorin nga pushteti.
Nëse kemi parasysh se mbledhja e radhës së Komisionit të Venecias është parashikuar për 11-12 Tetor, dhe Dekreti i Presidentit ka përcaktuar datën e re të zgjedhjeve vendore 13 Tetor, edhe me këtë rast konfirmohet se asnjë lëvizje e Edi Ramës nuk është rastësi.
Gjithçka tjetër është çështje filxhani, i Edi Ramës kuptohet sepse me filxhan i bindi delet socialiste, pikërisht ashtu siç i përkufizoi Kryetari i PSD, Paskal Milo.
