Edi Rama: Do të heqim celularët nga institucionet e shtetit!

Nisma e ndalimit të celularëve në shkolla, së shpejti do të shtrihet edhe nëpër institucione shtetërore. Këtë e paralajmëroi vetë kryeministri Edi Rama, i cili gjatë fjalës sot në takimin me mësuesit e punësuar nga portali, ka thënë se do të përgatitet vendimi që do të ndalojë përdorimin e celularëve edhe në institucione

“Ky vit do të jetë viti i një epoke të re me celularin në shkollë. Nuk do lejojmë celularë në shkollë. As për fëmijët dhe më vjen keq as për mësuesit. Do i dorëzojnë në fillim dhe do i marrin në fund të mësimit. Muajin e parë do e bëjmë muaj edukimi. Në muajin e dytë celularët merren dhe hidhet në plehra nuk i kthehet më atij që e ka sepse janë  ndotës me rrezikshmëri të lartë të mjedisit arsimor. Dhe ndotësit i varrosim dhe i riciklojmë. Ndërkohë që po përgatitemi të heqim celularët nga institucionet e shtetit që janë bërë si klube interneti të gjithë,” tha kryeministri Edi Rama por nuk dihet se a do të vlejë kjo ndalesë për kryeministrin i cili selfien e ka pjesë të punës dhe vizitës së tij në çdo shtet ku për lider janë të majtët “modern” .