Edi Rama është kriminel! Nëse…

Akuzat për Agron, Geron dhe Fatmir Xhafajn kanë vazhduar nga ana e opozitës, ndërkohë kryeministri Edi Rama ka vazhduar ti qëndroj variantit të parë të thënë vetëm disa orë pas publikimit të përgjimit, kur opozita pretendoi se me dëshmitarin x ishte duke komunikuar vëllai i ministrit të Brendshëm, i akuzuar për trafik të lëndëvë narkotike.

Edi Rama tha dhe vazhdon të thotë se i ka bërë analizë shkencore audio-përgjimit, dhe laboratori i huaj pa emër ka bërë një analizë në bazë të materialit të inçizuar nga transmetimi në TV. Se ku e mori zërin e Geronit apo Agronit këtë vetëm Rama e di, ama thotë ai, që është bërë analiza është bërë.

Kjo këmbëngulje e Edi Ramës ngre shumë pikëpyetje, dhe, mënyra se si e trajton këtë lloj avokatie që i bënë një të akuzuari për trafik ndërkombëtar të drogës, është e frikshme!

Bazuar në logjikën kryeministrore, ne sot mund të themi se, po, Saimir Tahiri nuk është trafikant droge ashtu si edhe Agron Xhafaj, por Edi Rama është trafikanti më i madh i drogës në Shqipëri. Këtë e ka konfirmuar një ekspertizë e një agjencie të huaj që lufton trafikun e lëndëve narkotike.

TIMS mund të dëshmoj shumë gjëra për Saimir Tahirin dhe gjetiu, por është Edi Rama ai që tallet me Prokurorinë dhe vetë sistemin TIMS, sepse është kryeministri ai i cili i ka manipuluar këto prova. Këtë e ka konfirmuar një agjenci e huaj që lufton krimin kibernetik.

Po, Geron Xhafaj ka kaluar në aeroportin “Nënë Tereza”, edhe pse është person i kërkuar për vuajtje dënimi në Itali sepse me urdhër të kryeministrit nuk i është nënshtruar kontrollit. Këtë e konfirmon një agjenci e huaj që lufton terrorizmin ndërkombëtar dhe ka akses në kamerat e sigurisë pranë çdo aeroporti.

Geroni në Itali është paraqitur me mjet identifikimi ku figuron Agron Xhafaj. Po është me dy identitete dhe këtë ia ka mundësuar kryeministri. Këtë e konfirmon një burim nga njw agjenci e antiterrorit italian.

Po borxhi i jashtëm është rritur por ministri Ahmetaj ka frikë të flas sepse është kërcënuar nga kryeministri me largim nga qeveria. Këtë e konfirmon një analizë shkencore e zërit që është regjistruar në zyrën romboide të Edi Ramës.

Gjiknuri nuk ka të bëjë me vendosjen e impianteve për djegien e plehrave, për këtë ka vendosur dhe vendos vetëm Edi Rama. Këtë e kanë dëshmuar edhe agjencitë e huaj që lufojnë mafien e plehrave me vite të tëra në Itali, Greqi, Spanjë e gjetiu.

Ministrja Manastirliu nuk ka të bëjë me shitjen dhe blerjen e ilaçeve sepse me urdhër të Edi Ramës këto ilaçe janë blerë pa u trajtuar në detaje kushtet e tenderimit. Këtë e kanë konfirmuar agjencitë e huaja që merren me luftën kundër trafikimit të ilaçeve jashtë shteteve të BE.

Ministri i Brendshëm dhe Drejtori i Përgjithshëm i Policisë nuk kanë faj që disa punjonës të kësaj ministrie që nuk kanë kaluar vettingun, sërish janë kthyer në polici. Këtë e kanë konfirmuar agjencitë e vendeve tona partnere që monitorojnë këtë proces.

Prokurorja Arta Marku nuk është fajtore pse Ilir Meta është i lirë sepse nuk ka lejen nga Edi Rama dhe këtë e kanë konfirmuar agjencitë e huaja që kanë marrë përsipër të monitorojnë monitoruesit e Reformës në Drejtësi.

A janë të gjithë këto të vërteta. Siç thotë edhe vetë kryeministri, në fund të fundit, ky është vetëm një opinion, që gjithsecili është i lirë të mos e besojë, dhe e vërteta një ditë do të dalë kur të shprehen zyrtarisht agjencitë partnere perëndimore. Nëse këto nuk dalin të vërteta, duhet rishikuar pozicionin tim…