Edi Rama Fiton!
nga Agim Popoci
Programi qeverisës i Partisë Demokratike që u prezantua nga kryetari Lulzim Basha dhe bashkëpunëtorët e tij, nuk dëshmoi vetëm seriozitetin me të cilën opozita po futet në garën zgjedhore; Me oponencën që i bëri partia në pushtet, tregoi se çfarë llumi qeverisë vendin dhe pse jemi në krizë kaq të thellë ekonomike dhe jo vetëm!
“Shqipëria Fiton” është slogani i PD e cila pretendon ta largoj Edi Ramën më 25 Prill dhe të filloi shpëtimin e këtij vendi nga kriza e thellë që e ka kapluar me 8 vjet qeverisje shkatërrimtare, ndonëse paradoksalisht me largimin e Ramës më i fituari do të jetë vetë Kryeministri Edi Rama! Pse?!
Edi Rama ka shprehur pretendimin e tij për mandatin e tretë qeverisës, por kur Kryeministri aktual nxjerr çobanin anglishtfolës, Arben Ahmetaj, për ti bërë oponencë një Programi Ekonomik të hartuar nga ekspertë të fushës, dëshmon edhe një herë se si arriti ta bëjë këtë vend çorapë me ppp-ra, sigalëra, kastratë, spitalin që shet spitale dhe teg mbi autostradë!
Por Edi Rama nuk u shfaq i qetë edhe kur një nga sondazhet dëshmoi se humbjen e ka në xhep dhe aktivizoi një lukuni banditësh për të organizuar sondazhe që tregojnë se Lulzim Basha e ka humbjen e sigurt!
Në këtë Shqipëri, ku asgjë nuk është e sigurt kur Kryeministër është Edi Rama, përjashtim bënë vetëm fitorja e Edi Ramës më 25 Prill! Dhe, ky përjashtim vlen sepse në këtë situatë krize dhe terrori ku e katandisi këtë vend, Edi Rama fiton vetëm nëse i humb zgjedhjet! Ose më saktë është më i fituari…
Me humbjen e zgjedhjeve të 25 Prillit, Edi Rama fiton sepse nuk do ti çajë kokën më Qet Kastrati nëse ka mbetur ndonjë gjë në këtë vend pa e blerë, ka ndonëj hotel poshtë e lartë apo autostradë që mund ta bëjnë edhe me tra! Tendera karburantesh normalisht që do ti marrë Qeti edhe pa Edi Ramën ama i biri i Kristaqit sërish do të kujtohet për të mirë pasi që e ka sugjeruar mikun e tij të Kastratëve që të mos kruhet me koncesionin e Aeroportit “Nënë Tereza” sepse nuk bëhet dot për 35 vjet në periudhë fushate.
Edi Rama fiton sepse nuk do të ketë më autostradë që duhet devijuar meqë Samir Mane ka ndërtuar qendër tregtare! Mund të shkojë në Palasë për qejf dhe nuk ka arsye më të mendoj nëse duhet çuar ujin ose kanalizimin për Samirin ose Manen.
Rezultati i zgjedhjeve të 25 Prillit do ta konfirmoj humbjen e Partisë Socialiste por Edi Rama do të rezultoi i fituar sepse nuk duhet ti jap më kujt llogari pse i jep tendera Bashkim Ulajt kur është njeriu i Saliut! Bashkimi sërish do të kthehet në pozicionin që ishte dhe ata që e shanin do ti lëpihen vetëm ashtu siç dinë ndërtuesit shqiptarë. Nuk përshkruhet dot me fjalë, madje as me fjalorin e Edi Ramës!
Edi Rama fiton sepse Spitalin që blenë Spitale do ta ketë në shërbim pavarësisht që nuk e ka pushtetin për ti falur qiranë dhe për ta lejuar ta përdorë Spitalin e Traumës thuajse i ka mbirë në bahçe të babës. Ata që i kishin zili Spitalit që shet Spitale, do të gërmojnë tek emrat e aksionerëve dhe do të kuptojnë se heshtja nuk u ble por u shit, si dhe nuk bëhet fjalë për një piktor që aksidentalisht u bë Kryeministër!
Për rezultatin e zgjedhjeve të 25 Prillit mund të thuren shumë raporte kritike nga OSBE-ODIHR dhe pak rëndësi për Edi Ramën, i cili i fituar do të dalë vetëm nëse largohet nga pushteti, pasi nuk do të kujdeset më për monopolin e kompanisë së dashur të sigurimit që ka në banka, dhe nga ana tjetër e presin fundjavë të këndshme në Valbonën e bukur që do të ketë edhe një hotel me pesë yje!
Edi Rama fiton sepse mëngjesin e gdhinë pa detyrimet ndaj bankës turke për qokat që i kishte gëzuar sa ishte në opozitë dhe po i shlyente deri në bezdi ndërsa i mbyllë gojët e liga që e ndërlidhnin kot me Erdoganin i cili ishte, është dhe do të jetë këmbëkryq në Tiranë, pavarësisht se si quhet Kryeministri!
Shumë vetë u shqetësuan për darkën te Nusreti në Dubai aty ku nuk ishte Edi Rama, por pas humbjes më 25 Prill, Rama nuk do të mungoi dhe nuk do të merret më njeri me të! Jo se nderi që u bëri biznesmenëve arabë nuk shpaguhet thjeshtë me copat e mishit të Nusretit, por sheikët që morën Portin e Durrësit janë të vetëdijshëm se në Ballkan pak rëndësi ka kush e shet, kur ata janë që blejnë!
Dhe, në fund, me humbjen e Partisë Socialiste më 25 Prill, padyshim më i fituari do të jetë Edi Rama sepse shefi i Ndranghetës nuk mund ti kërkoj llogari për pastrimin e parave ndërsa mafia italiane do të kërkojë partnerë të ri biznesi. Gjithsesi, Edi Rama do të jetë më i lirë dhe pak rëndësi ka që shqiptarët do ta kujtojnë Ramën si hyzmeqarë të Gallos, siç e njohin edhe sot dhe e kanë futur si personazh kryesor në batutën aktuale që përkon me realitetin:
Në paradhomën e Kryeministrit ishin duke pritur për takim Papa Françesku dhe sekseri i mafias italiane “Ndrangheta”, Antonio Gallo.
Sekretari i Përgjithshëm, Engjëll Agaçi futet te Kryeministri Edi Rama dhe e pyet:
-Shefo, janë duke pritur për takim Papa dhe Gallo, cilin ta fus të parin?
-Fute Papën, thotë Kryeministri Edi Rama, se atij duhet ti puth vetëm dorën!
