Edi Rama gënjen, PD: I pafytyrë, bën show me fatkeqsinë!

Pasi kanë kaluar 64 ditë që kur Kryeministri Edi Rama ka premtuar pas tërmetit më 26 Nëntor në Thumanë se për 6 ditë do të pastrohej gjithçka e do të niste puna me 3-4 turne për ta rikthyer vendin në normalitet, Partia Demokratike përmes Ish-Deputetes Orjola Pampuri akuzon Ramën se po gënjen dhe po bën show me fatkeqsinë sepse aty as që ka shkuar dikush

“Thumana, pas tërmetit të 26 Nëntorit, vijon të mbetet një grumbull mbetjesh, të godinave të rrënuara. Edi Rama premtoi pikërisht nga ky vend, përpara 64 ditësh, që për 6 ditë do të pastrohej gjithçka e do të niste puna me 3-4 turne për ta rikthyer gjithçka në normalitet, por aty nuk ka shkuar askush, nuk ka punuar askush as me 3 e as me 4 turne,” thekson Orjola Pampuri në reagimin e saj përmes rrjetit social Facebook duke e shoqëruar edhe me një video:

Ajo që Edi Rama di të bëje është show propagandistik me gjithçka, konstaton Orjola Pampuri, por ajo që është e neveritshme dhe tregon akoma më shumë pafytyrësinë e tij është propaganda me fatkeqsinë e qytetarëve.

“Nga njëra anë tallet me qytetarët, e nga ana tjetër rrënon ekonominë, duke çuar drejt falimentimit mijëra biznese, e nga ana tjetër mbështet një grup oligarkësh me të cilët ndan interesa,” thekson Ish-Deputetja e Partisë Demokratike, Orjola Pampuri duke përfunduar:

“Thumana tregon edhe një herë, fytyrën e vërtetë të Edi Ramës dhe qeverisjes së tij!”