Video/ Edi Rama gënjeu Romën por jo Roskovecin. U prit me protesta dhe…

“Shumica nuk e do baltosjen dhe ziftosjen e Shqipërisë në gjuhë të huaj!” Kështu u shprehë mbrëmë kryeministri Edi Rama pas fushatës mediatike me propagandë rilindase që bëri në Itali, për të bindur qytetarët e këtij vendi se “drogën nuk e solli qeveria e tij, por atë e gjeti mes jush” ndërsa akuzoi Opozitën dhe liderin e saj se “prodhimi i brendshëm i lajmeve të këqija për eksport, nga lajmet e paguara deri te intervistat e paguara dhe të shfazuara si ajo e Lulzim Bashës, veçse e karikaturizojnë imazhin e Shqipërisë, e bëjnë qesharak figurën e politikanit në sytë e botës, dhe godasin shtëpinë tonë. “

Por vizita e tij sot në Roskovec tregon një tjetër realitet nga ai që kryeministri rrëfeu në “Porta a Porta”. Aty ku nuk është ziftosur imazhi por vetë njerëzit nga varfëria dhe skamja që ka shkaktuar qeverisja e Edi Ramës.

Edi Rama mund të shkoj edhe në të ardhmen në çdo qytet të Italisë ku paguan Igli Tare avionin, por jo edhe në çdo qytet të Shqipërisë ku populli e pret me protesta, siç bëri në Roskovec.

Sot ai ndryshoi axhendën sepse rrugën i kishin bllokuar qytetarët, por siç e ka katandisur vendin, ai mund ta vizitoj vetëm duke fluturuar me avionin e tij të preferuar.

Protesta vazhdoi në rrugën që lidh Fierin me Roskovecin me thirrjet “Rama Ik” dhe “E duam Shqipërinë si gjithë Europa” ndërsa vizita e tij në qarkun e Fierit, përkundër masave të rrepta të policisë do të vazhdojë vetëm aty ku eskorta e tij do të gjen boshllëk nëpër rrugët e fshatit dhe jo siç kishte parashikuar itinerarin.

Në rrugët nacionale as që bëhet fjalë, aty do të ndeshet vetëm me një akt mikpritjeje: ”Rama ik!”