Edi Rama i lë zgjedhjet pa opozitë, Gjykata e Apelit kthen çështjen në pikën zero!
Ashtu siç e tha Taulant Balla ditë më parë, siç e proklamoi Olta Xhaçka para diplomatëve, siç e kërkuan dëshimtarët e Kimovait sot, dhe siç e vendosi Edi Rama, Gjykata e Apelit vendosi që fatin e Partisë Demokratike ta kthej në Pikën Zero ndërsa zgjedhjet e 14 Majit ti lë pa opozitë.
Pas shpalljes së vendimit, avokati i Albcontrol dhe ish-kandidati në zgjedhje i partisë Libra në Durrës, sot i dërguar i Edi Ramës që përfaqësoi Enkelejd Alibeajn në seancën gjyqësore në Apel, Rezart Kupthi, jashtëzkonisht i gëzuar për komunistizimin e Partisë Demokratike, tha se vendimi i marrë nga Gjykata e Shkallës së Parë nuk ekziston më dhe se çështja është rikthyer në Shkallën e Parë për rigjykim.
“Vendimi i gjyqtarit është nul do rikthehemi për rigjykim. Vendimi Zhukri nuk ekziston më. Organet legjitime të PD janë ato që përcaktohen nga Statuti. Kryetari i PD është ushtruesi i detyrës, Enkelejd Alibeaj,” tha përfaqësuesi i Edi Ramës pas vendimit të Gjykatës së Apelit duke folur sërish me gjuhën e Taulant Ballës ndonëse në seancë gjyqtarja i tërhoqi vërjetjen se nuk është vendimi Zhukri por vendim i Gjykatës së Shkallës Parë.
Ndërsa përfaqësuesi ligjor i Rithemelimit, Oerd Bylykbashi, tha se kjo ishte një ditë e zezë për drejtësinë dhe se gjykatat janë nën thundrën e kryeministrit Rama.
“Vendim që haptazi ka thyer çdo rregull që deri sot ka vendosur legjislatori e jurisprunca duke pranuar ankimin e një palë që nuk është as minorancë në PD por i ka shërbyer përpjekjeve të Ramës për të mos patur një opozitë të vërtetë.
PD ka ngritur një proces që më shumë se një vit ka treguar vullnetin e opozitës për të mos qenë palë me Ramën. Gjykata zhbëri nën presion Kuvendin e 11 dhjetorit. Vendim që shënon ditë të zezë për drejtësinë. U vra pluralizmi me vendim gjykate,” tha Bylykbashi
Ndryshe, vetëm një gjë pritet të sqarohet, çfarë u kthye në Pikën Zero, kur vendimi i Gjykatës së Shkallës së Parë që njeh ndryshimet e Rithemelimit pavarësisht se ka kaluar një vit, nuk është i regjistruar fare në Gjykatë, dhe aty vazhdon të jetë Lulzim Basha kryetar i PD!
