Edi Rama i shet për vota, “Ta Nea”: Nëna greke, droga dhe “Shqipëria e Madhe”!
“Edi Rama Kryeministri me nënë greke, droga dhe Shqipëria e Madhe”, ishte titulli i një artikulli në të përditshmen greke “Ta Nea” e cila në detaje përshkruan karrierën e kryeministrit Edi Rama, mënyrën e blerjes së votave e deri tek kartela e tij mjekësore, që sipas gazetës në fjalë, vuan nga psikopatia agresive.
Artikulli i “Ta Nea”, i cili edhe pse shihet qartë se u nxit pas zhvillimit të ngjarjeve në Bularat, në përshkrimin e karrierës politike të Edi Ramës zbulon edhe sekretin se si ai i mori votat e pakicës greke në Shqipëri: Ai e bëri edhe nënën e tij greke vetëm e vetëm që të merrte votat e minoritarëve!
“Zjarr në marrëdhëniet grekoshqiptare hodhi me deklaratat e tij Edi Rama, kryeministri i Shqipërisë, i cili nuk hezitoi për të gjykuar vdekjen e Kaçifasit dhe në vazhdimësi të atyre që shkuan në funeralin e vorioepirotit. Dhe siç e përshkruan ‘Star’ (televizion grek), Rama e karakterizoi Kaçifasin ‘të çmendur’ dhe “ekstremist’. Por, ama kartela e tij psikiatrike, nga viti i largët 1982, shkruan se vuante nga psikopatia agresive. Djali i një nëne himarjote, Ana Koleka nga fshati Vuno. Ai e shiti origjinën e nënën së tij, në kërkim të rritjes së votave të nacionalistëve. Ai është bërë i pamëshirshëm. “Akropoli u shpëtua nga një shqiptar” shkruan për ta mbështetur atë”, shkruan “Ta Nea”.
Edi Rama, thekson e përditshmja greke, është një populist i korruptuar, i cili përdor “Shqipërinë e madhe” si një tjetër pikë për të fituar votat e shqiptarëve.
“Nacionalist, populist, i korruptuar deri në palcë. Ai është bërë flamurtari i ‘Shqipërisë së Madhe’. Serbët, malazezët, maqedonasit dhe grekët janë në vëmendjen e tij, në përpjekjet e tij për çështjen e zgjidhur historikisht ‘Çamëria,” shkruan “Ta Nea” e cila publikon edhe foton e Edi Ramës, “ku është duke pirë kokainë, por që vetë Rama e quan montazh”.
Nuk është e qartë pse, por “Ta Nea” shkruan se disa ditë para se të vritej Konstandin Kaçifas, dha dorëheqjen ministri i Brendshëm shqiptar (Xhafaj), ndërkohë theksohet edhe fakti se në Shqipëri muajt e fundit ishte kapur një sasi rekord kokaine.
