Edi Rama i terrorizuar dhe i trembur, Berisha: Te hoteli i Erion Veliajt ka pjesë edhe Olsi!

Pas arrestimit të numrit 2 të Partisë Socialiste, Edi Rama, është i terrorizuar dhe i trembur gjer në palcë nga Erion Veliaj, të tregojë se është duarjashtë dhe nuk ka gisht në këtë aferë. tha Kryetari i Partisë Demokratike pas arrestimit të Kryetarit të Bashkisë Tiranë, duke bërë të ditur sot se te hoteli i Veliajt ka pjesë edhe Olsi!

Konferencen e sotme Kryetari i Partisë Demokratike e nisi duke dhënë detaje për takimin e suksesshëm në Romë me diasporën, të cilin e cilësoi si dëshmi të sigurt të fitores së ardhshme të PD-së ndërsa vazhdoi me angazhimin e PD të bashkëarkitektit të fushatës së Donald Trump, Chris La CiVita.

“Së pari unë dua të shpreh mirënjohjen më të pakufishme para atyre mijëra e mijëra qytetarëve shqiptarë në emigracion që mbushën sallën e atij takimi, ndër më entuziastit dhe më mbresëlënësit që kam pasur ndonjëherë.
Ai takim ishte diamanti i fillimit të fushatës elektorale. Ishte dëshmia më e sigurt e fitores së ardhshme të PD. Ai takim aq entuziast u dëshmoi shqiptarëve, por edhe italianëve dhe të gjitha kombeve të tjera se emigracioni dhe diaspora e Shqipërisë është me PD-në, është me Sali Berishën.
Ndaj dhe vetëkuptohet frikëra dhe tmerret e pseudomazhorancës socialiste nga vota e diasporës dhe përpjekjet për ta penguar.

Pra, unë dhe njëherë shpreh mirënjohjen më të pakufishme ndaj të gjithë atyre që e organizuan, degës së PD të Romës, drejtuesit të kësaj dege dhe të gjithë qytetarëve që u mblodhën në atë takim.
Një mirënjohje të veçantë kam unë për kryetarin e grupit parlamentar të Forza Italia, Paolo Bareli. Për kryetarin e grupit në senat të Forza Italia, Gaspari. Për deputeten Erika Maseti, mikun tim, deputetin Batilokio, të cilët në një ditë të dielë u shkëputën nga familjet e tyre, nga detyrat e tyre dhe erdhën në një takim shumë miqësor, ku diskutuam për bashkëpunimin tonë të ardhshëm me Forza Italia,” tha Sali Berisha ndërsa foli për angazhimin në PD të Kryetarit të Komitetit Kombëtar të Partisë Republikane të Donald Trump, Chris LaCivita.

“Dje siç theksova, ishte një ditë ndër më të veçantat në 34 vite. Ishte ditë unike. Në Tiranë zbarkoi bashkëkryetari i menaxhimit të fushatës më të rëndësishme elektorale pas Luftës së Dytë Botërore të SHBA dhe planetit.
Ishte bashkëarkitekti i asaj fushate që përballoi makineritë më gjigante të miliarda e miliarda dollarëve, të medieve kryesore të SHBA dhe të botës, të sondazheve të manipuluara në SHBA dhe në botë, dhe siguroi rikthimin më të rëndësishëm, më të fuqishëm, më të jashtëzakonshëm me votën e lirë në tërë historinë e njerëzimit, ishte zoti Chris LaCivita.
Të dashur qytetarë dhe qytetare, çdo shqiptar duhet ta ketë të qartë se Chris LaCivita në kërkesën planetare që ekziston, në qindra kërkesa nga i gjithë planeti, që ekzistojnë për të bashkëpunuar me të, ai fisnikërisht zgjodhi Partinë Demokratike të Shqipërisë.
Zgjodhi PD-në jo rastësisht. Ai personi, të cilin Edi Rama e quajti punëtor i Donald Trump sikur të ishte kopshtar apo lulishtar në Mar-A-Lago është njëkohësisht kryetar i komitetit kombëtar të Partisë Republikane të Donald Trump.
Dhe ai foli aty në cilësinë e bashkëkryetarit të menaxhimit të fushatës më të suksesshme në histori, por foli edhe në cilësinë e kryetarit të Komitetit Kombëtar Republikan.
Për kryetarin e Komitetit Kombëtar Republikan dhe Partinë Republikane që ai përfaqëson, Edi Rama është një kukull e George Sorosit.
Dhe ai, që ta kemi shumë të qartë, erdhi këtu për të vazhduar betejën që fitoi në SHBA, kundër Sorosit dhe ekstremit të majtë të tij.
Pra, ishte një akt kryekëput politik pasi i prenë kokën gjarprit në Washington, duhet t’ia presin tentakulat kudo, dhe në Shqipëri ato ishin dhe janë më të zhvilluara se në asnjë vend tjetër,” tha lideri i opozitës duke vënë theksin te mesazhet e LaCivita, që sipas tij, kanë domethënie të madhe politike.

“Ju jeni dëshmitarë të ngjashmërive, të sjelljes së administratës së SHBA që shkoi dhe George Sorosit ndaj presidentit Donald Trump dhe sjelljes së tyre ndaj Sali Berishës.
Ju jeni dëshmitarë të vendimeve për të mos regjistruar emrin e tij në listë dhe mosregjistrimin e Sali Berishës në listat e zgjedhësve.
Ju jeni dëshmitarë të përpjekjeve për eliminimin fizik të Donald Trump, por të njëjta edhe për Sali Berishën në prag të aktivitetit.
Ju jeni dëshmitarë të përpjekjeve për burgosjen e tij dhe burgosjen e Sali Berishës po nga falangat e George Sorosit dhe kukulla e tij Edi Rama në Shqipëri. Këto janë të vërteta të cilat e sollën në Shqipëri këtë kryetarin e komitetit kombëtar të Partisë Republikane, Chris LaCivita.
Mesazhet e tij janë shumë të thella dhe duhet të kuptohen nga çdo shqiptar.
Presidenti Donald Trump u tha amerikanëve se më i rrezikshëm nga të gjithë për SHBA është armiku i brendshëm. Dhe kjo është e vërtetë e madhe.
Nuk ka vend tjetër në botë që të ketë fuqinë, teknologjinë, forcën e pakufishme të SHBA. E megjithatë, në këtë vend, nga ekstremi i majtë, nga marksistët dhe post marksistët sorosianë, demokracia u kërcënua njëlloj si në një vend të botës së tretë.
Në qoftë se përdorën gjykatat për të përjashtuar nga procesi zgjedhor kandidatin kryesor të partisë kryesore.
Në qoftë se aplikohen gjoba gjysmë miliardë dollarë.
Në qoftë se lëshohen urdhra për t’i mbyllur gojën, këto nuk ndodhin kurrë në një demokraci pa probleme.
Në qoftë se promovohet censura, një gjë do u them, çdo hap drejt censurës është hap drejt diktaturës. Ndaj dhe Donald Trump me shumë të drejtë tha, se armiku më i rrezikshëm për Amerikën është armiku i brendshëm. Në këtë kontekst duhet të kuptojmë qartë dimensionin e deklaratës së kryetarit të komitetit kombëtar republikan, Chris LaCivita, të cilin Rama e quajti punonjës i Donald Trump, ka domethënien më të madhe politike,” tha Berisha duke e kosnideruar një apel për shqiptarët:
Është një apel për shqiptarët të çlirohemi me ndihmën e SHBA, nga George Sorosi, ideologjia dhe i gjithë ndikimi që de facto u krijua në Shqipëri republikën e George Sorosit.
Qytetari i thjeshtë shqiptar e ka të vështirë të besoj që Edi Rama solli në parlament, bazuar në doktrinën e Sorosit, ligjin për krijimin e fermave të grave që të lindin fëmijët e askujt se duhet të krijoheshin fëmije më prindër 1 dhe 2 dhe pa prindër fare për të shuar familjen dhe vlerat hyjnore njerëzore të saj.
E kanë të vështirë se në Tiranë, njëlloj si në Nju Jork filluan të numerotohen prindërit që në kopsht dhe mijëra familje amerikane u shpërngulën nga Nju Jorku për në Teksas ku nuk lejoheshin praktika të tilla antifamiljare.
Pra, miqtë tanë e kanë të qartë se çfarë ndodhi. E kanë të qartë se kush është Leticia Jones, Alex Brag të Shqipërisë që angazhohen për shkatërrimin e pluralizmit në një akt kriminal antikushtetues të paimagjinueshëm.
Ndaj dhe shpreh mirënjohjen më të madhe kryetarit të komitetit kombëtar të Partisë Republikane për vendimin e tij për të shprehur demokratët dhe konservatorët në Shqipëri, në shpëtimin e Shqipërisë nga stihia e ekstremit të majtë dhe George Sorosit në këtë vend.”

Të pashmangshme ishin zhvillimet e fundit, arrestimi i Kryetarit të Bashkisë Tiranë, Erion Veliaj, dhe reagimit të Kryeministrit Edi Rama.
“Unë e pashë sot Edi Ramën siç e patë ju, kur i erdhi në gojë fjala e konsulentit, që këtë e quante punëtor i Trump, shkallmoi dhe e humbi dhe iu kthye me grushta tavolinës.
E vetmja gjë që thashë në atë moment, shyqyr Zotit nuk ka ra ndonjë grua aty që të hajë grushtat e tij.
Për çka ai është folur shumë, më fal Floriana, por është folur ai.
I hëngri ato grushta tavolina, po mirë e boll, i bëfshin mirë se po të ishte ndonjë ministre a ndonjë tjetër, kushedi se çfarë do ndodhte. Këto gjeste të tij janë të njohura, nuk janë risi.
Edi Rama, pas arrestimit të numrit 2 të PS-së, bëri gjithçka nga njëra anë i terrorizuar dhe i trembur gjer në palcë nga Erion Veliaj, të tregojë se është duarjashtë në këtë aferë, se nuk ka gisht në këtë aferë.
Po këtu të ndalemi pak.
Nuk kishte hallin e Erion Veliajt, kishte hallin e tij. Sepse ky prokuror që guxoi të kërkojë arrestimin e Erion Veliajt dhe ky gjykatës që vendosi për arrestimin e tij, këta litarin në shtëpinë e të varurit ia çuan në Surrel.
Po, sepse për leje ndërtimi, Edi Rama me favore, i ka tërkuzë.
Merrni ju atë Ujkën që u tha së fundmi, që i pagoi takimin në Milano, leje kulle ai.
Merrni ju sponsorin e 12 udhëtimeve me çarter që i denoncoi Arben Ahmetaj. Leje ndërtimi të gjitha.
Merrni ju seancat e detoksit, 10 mijë euro seanca e detoksit e paguar nga biznesmeni që ndërton në mes të parkut Rinia. Vilat aty i ka Alketa. Bashkëshorti i Alketës. Plus lejet e tjera të ndërtimit. Nuk di shtëpi tjetër në mes të parkut përveç shtëpisë së saj. Shkoni dhe shihjani se aty e ka.
Si mund të ndodhë apo jo? Plus që ky ka marrë leje ndërtimi në të katër anët. Mirëpo nuk janë vetëm këto.
Tani t’u pyes unë ju dhe qytetarët, nëse Sali Berisha do deklaronte sot, të dashur qytetarë, Velica ka shpenzuar 1 milion euro garderobë, iu garantoj se as 0.1 përqind nuk do e besonte, do deklaronin se ky po bën shaka. Ose ky po e ekzagjeron. Do u kujtohet edhe derrkuci i Erion Veliajt, që u thoshte gazetarëve po kursejmë aty dhe më pas bëjmë një udhëtim kur bëhen shumë. Gjunahçari! Ta dinë qytetarët se për këto 1 milion, prokuroria ka gjetur të gjitha faturat për rrobat që ka blerë Velica, e cila paska qenë…. pak të thuash. Një shqiptare që shkon e blen mbi 1 milion euro,” shprehet kryedemokrati dhe përveç kësaj, atëherë çfarë ndodh me Edi Ramën.
“Edi Rama tmerrohet se në qoftë se flitet për 1 milion aty, atje në Surrel sa janë këto miliona.
Se ekzistonte rivaliteti, ekzistonte. E kisha thënë disa herë unë që rivaliteti mes Kodrës së Diellit dhe Surrelit ishte shumë i qartë. Në të gjitha, në lukse dhe çdo gjë.
Unë lexova para një muaj Klodian Tomorri shkruante në një analizë të tijën se Edi Rama me gotë të Romanee Contit po fliste këto e këto. Nuk m’u besua, të them të vërtetën. Nuk e besoja se një kryeministër hap shishe vere që kushtojnë 33 mijë euro. Por ajo ishte absolutisht e vërtetë.
Ndaj dhe bëri gjithçka për të treguar se është dorëjashtë, në mënyrë që Erion Veliaj të mos i kthehet më këto gjëra.
Të mos ia kthejë monedhën. T’u tregojë shqiptarëve se unë vërtet kam bërë gabime, por Rama ka bërë vjedhje të tmerrshme,” tha Berisha duke dhënë një informacion shtesë pas arrestimit të Erion Veliajt, se vëllai i Kryeministrit Edi Rama, Olsi, kishte pjesë te hoteli i Veliajt!

“Por nga ana tjetër, i mori si dekoratë meritën e Skapit dhe vetëm ne tha bëjmë gjëra të tilla.
Vetëm ne socialistët. Pra mbajti një qëndrim të dyfishtë, këndej u lavdërua me arrestimin e tij, këndej u përpoq të hiqej duarjashtë, por absolutisht dora e zezë e tij është në çdo gjë.
Tani, pyesni ju mua, po pse u arrestua?
Unë pyes qytetarët: pse nuk u arrestua për djegësin 130 milionë euro që nuk ekziston?
Unë e kuptoj që 1 milion euro fustane, të brendshme dhe të jashtme të Velicës janë një abuzim shumë i madh, por zhdukja e 130 milionëve është një 130 herë më i madh. Kjo është e vërteta.
Ato ishin të gjitha qindarkë për qindarkë paratë e taksapaguesve.
Pse nuk ndodhi? Se aty është Edi Rama. Aty hetimi u bllokua vetëm për shkak të Edi Ramës.
5D. Zotëri, unë që në fillim kam informuar se më kanë shkruar se në hotelin 60 apo 100 milionë sa shkon ai, është edhe Olsi Rama.
Unë i kam publikuar këto, tani t’u them të vërtetën nuk e di nëse është apo jo se duhet të kesh dokumente, por në atë kohë, qytetari dixhital më ka shkruar se me Tivarin është Olsi Rama. Një punonjëse tha se hoteli është i Erion Veliajt.
Por një gjë ndodhi. Erion Veliajt nuk i hyri gjembi në këmbë. Ndaj Erion Veliajt nuk u formua asnjë hetim, asnjë akuzë për këtë.
Çfarë i thotë ky prokuror publikut shqiptar, ligjit dhe të drejtës në këtë mënyrë?
Çfarë i thotë prokurori Arben Kraja dhe Altin Dumani për djegësin që janë zhdukur 130 milionë euro dhe nuk e thërrasin njëherë?
Dhe lëshon Altin Dumani mandat arresti për Arben Ahmetajn që e ka kundërshtar 5 herë djegësin e Tiranës…
A nuk është kjo veprimtari kriminale në grup?
Nuk po hyj unë të flas se kam marrë vesh dhe gjëra të tjera, por më mirë po rrimë në kuadrin e tyre.
Se ai derrkuci i vogël i Erion Veliajt, ai na doli kasafortë me qindra mijëra euro në bodrume.
Ajo tjetra, por nëna e shkretë u burgos se nuk pagoi faturat, kurse Velica që mbante apartamente sekrete i qahet halli nga Edi Rama sepse u kujtohet Linda Rama.
Në këtë kuadër unë mund të them këtë, siç e thashë edhe dje, në çdo vend të botës, para kësaj situate, një njeriu që ka minimumin e minimumit të përgjegjshmërisë jep menjëherë dorëheqjen.
Në çdo vend të botës përpara kësaj situate, një komb i tërë ngrihet në këmbë për ta përzënë nga zyra një hajdut si ky, një padrino si ky.
Le t’i bjerë sa të dojë tavolinave, ai është i padenjë për asnjë detyrë shtetërore.
Erion Veliaj ishte një hajdut dhe janë të dokumentuara abuzimet, por abuzimet shumë më të mëdha janë të Edi Ramës.
Grabitja e portit të Durrësit shkon rreth 4 miliardë euro që po e ndërton ky me Alabarin e tij dhe po gjobit shqiptarët 1.3 miliardë euro për portin e ri.
Ndaj nga të rriten pensionet? Prandaj nuk flitet për pensionet.
Nga të rriten rrogat? Prandaj nuk flitet për rrogat.
Ku të krijohen vendet e punës? Asnjë vend pune. Ikin shqiptarët, punësohen vetëm jashtë shtetit dhe Edi Rama nga mëngjesi gjer në darkë përpiqet të mbulojë vjedhjet e tmerrshme të tij me turistët.
Me turistët, për të cilin çdo shqiptar paguan 230 euro në vit dhe merr 4 euro.”

Por hajdutët nuk gjejnë paqe, tha lideri demokratë, Belinda Balluku ka urdhëruar ekipin e saj të komunikojnë vetëm me letra me shkrim dore, gjer këtu kemi arritur.

“Së fundmi, po shkërmoqet. Urdhëroni, u proceduan me urdhër të Ramës 8 qytetarë sepse festuan arrestimin e Erion Veliajt para paraburgimit në rrugën Mine Peza. Ka hallin e vet.
Në vitin 1990, Ramiz Alia na bëri dekretin e mbrojtjes së monumenteve, kishte hallin të mbronte personalitetet, nga këto i arrestoi disa studentë.
Së fundmi, në stanin e tyre ka vetëm shpirtra të trazuar.
Hajdutë që nuk gjejnë paqe më.
A mund të imagjinoni ju që Lubi Loti iu ka ndaluar në mënyrë të prerë të gjithë ekipit të komunikojnë ndryshe me të përveçse me letra me shkrim dore. Iu ka ndaluar celularët, i ka ndaluar mesazhet dhe tani komunikimi në kabinetin e zëvendëses së Edi Ramës, sepse ajo sheh dy zëvendësit e tij njëri pas tjetrit e thotë ika dhe unë, dhe do ikë ajo se e meriton 100 herë.
Pra, tani është tipike e mafies, tani as celularët nuk i përdorin dot, as kompjuterët nuk i përdorin dot, tani janë të detyruar që çdo problem që kanë me bosen e tyre ta paraqesin vetëm me shkrim dore. Gjer këtu jemi, po i garantoj shqiptarët se kjo situatë i ka kohërat e shkurtra dhe ne do bëjmë gjithçka që 11 maji të jetë dita e fundit e tyre në pushtet.
Sikundër çdo ditë që kalon me Edi Ramën në pushtet është një barrë e rëndë për çdo shqiptar.
Nuk ka komb tjetër që mund të pranonte pas atyre skenave, pas këtyre skandaleve të qeveriset nga një njeri si ai.

Në fund, Kryetari i Partisë Demokratike foli dhe për rastin e Kryetares së Komisionit të Ligjeve, Klotilda Bushka, si person në hetim nga SPAK për pengimin e drejtësisë në çështjen e Erion Veliajt:

“Po unë e kam denoncuar para se të dalë atë. E kam denoncuar me dhjetëra herë unë atë.
E dini çfarë është kjo Bushka? U them unë ju.
Kjo ngrihet vitin e mëparshëm në parlament dhe në një rast unik në histori, të ndaluar me Kushtetutë, propozon t’i shtohen 500 milonë lekë djegësit të Tiranë. Mirëpo Kushtetuta e lejon deputetin me kushtin që ai ta dorëzojë amendamentin, ta miratojë ose të shprehet Ministria e Financave.
Kurse zonja solli një amendament oral. E kam denoncuar me dhjetëra herë unë,” tha Kryetari i Partisë Demokratike, Sali Berisha, duke përfunduar:
“Erion Veliaj shembte shtëpi se u thoshte se janë pronat e Klotilda Bushkës.

Po, po, janë të dokumentuara të gjitha këto. Ajo është një kriminele më shumë se ai.

Këta janë në grahmat e fundit ky parlament.”