Edi Rama iku nga Parlamenti me Program ndër shalë, BE: Është për të ardhur keq!

Pas Edi Rama provokoi përpalsjen me opozitën, nuk lexoi Programin e Qeverisë por i dha urdhër Kryetarit të Parlamentit vetëm ta miratoi dhe ta mbyllë seancën për pesë minuta dhe iku me Program ndër shalë, sot Zyra e BE në Tiranë shprehë keqardhje pasi publiku shqiptar u privua nga mundësia për t’u informuar me Programin e Qeverisë.

“Është për të ardhur keq që publiku shqiptar u privua nga mundësia për t’u informuar siç duhet dhe plotësisht rreth programit të Qeverisë dhe për të dëgjuar përfaqësuesit e saj të zgjedhur të diskutojnë përmbajtjen e tij, në përputhje me dispozitat e ligjit,” shprehet Zyra e BE në Tiranë në reagimin e saj duke rikujtuar se në kontekstin e anëtarësimit, Parlamenti ka një rol vendimtar për të luajtur në debatin dhe miratimin e reformave legjislative që lidhen me BE-në, ndërsa siguron që ato të bazohen në një proces gjithëpërfshirës dhe transparent.

Ndryshe, Kryeministri i Diellës, Peleshit dhe gjithë Surrelit, Edi Rama në fillim të fjalës së tij dje në seancë plenare kërcënoi opozitën se nëse nuk sillen sipas normave që ai përcaktoi çdo seancë do të mbyllet me votim, dhe ende pa e lexuar Programin, pa i dhënë fjalën fare Opozitës siç e përcakton Rregullorja që e hartoi dhe e votoi vetë, ai i dha fjalën Diellës së Edvin Kristaq Ramës me algoritmet e Sigurimit Shtetit, veprim pas të cilit reagoi opozita ndërsa Rama i dha fund seancës së parashikuar 24 orëshe, për 27minuat e 41sekonda, duke miratuar Programin dhe Qeverinë me 82 vota.

Reagimi:

Parlamenti duhet të jetë një forum për debat konstruktiv, ku diskutohen politika dhe paraqiten pikëpamje alternative, duke promovuar kështu një kulturë dialogu.

Në kontekstin e anëtarësimit, Parlamenti ka një rol vendimtar për të luajtur në debatin dhe miratimin e reformave legjislative që lidhen me BE-në, duke vlerësuar ndikimet e tyre dhe duke siguruar që ato të bazohen në një proces gjithëpërfshirës dhe transparent.

Debati mbi programin e qeverisë së re për katër vitet e ardhshme do të kishte ofruar një mundësi të rëndësishme për të diskutuar pikëpamje dhe qasje të ndryshme ndaj objektivit të anëtarësimit, i cili mbetet një ambicie ndërpartiake. Është për të ardhur keq që publiku shqiptar u privua nga mundësia për t’u informuar siç duhet dhe plotësisht rreth programit të Qeverisë dhe për të dëgjuar përfaqësuesit e saj të zgjedhur të diskutojnë përmbajtjen e tij, në përputhje me dispozitat e ligjit.

Delegacioni i BE-së në Tiranë do të vazhdojë angazhimin e tij për të forcuar rolin e parlamentit si një institucion që promovon dhe mishëron dialogun e hapur dhe gjithëpërfshirës politik. Ne besojmë se të gjitha partitë politike të Shqipërisë dhe të gjithë sektorët e shoqërisë do të jenë në gjendje dhe të gatshëm të luajnë rolin e tyre në kontributin drejt përparimit të Shqipërisë për përmbushjen e kërkesave të anëtarësimit në BE.