Edi Rama kundër heqjes së imuniteteve të kriminelëve! Berisha: Zgjidhja e vetme, protestë deri në largimin e tij!

Edi Rama i ngërthyer kokë e këmbë nga mafia e tij, Belinda Balluku, Ergys Agasi, Olta Xhaçka, Taulant Balla etj, ka vendosur të bllokojë zbatimin e ligjit dhe të vendimit të prokurorisë dhe gjykatave duke dal haptas kundër heqjes së imuniteteve dhe arrestimit të kriminelëve, tha sot Kryetari i Partisë Demokratike, Sali Berisha, duke e parë zgjidhjen e vetme në këtë situatë tek një protestë e qëndrueshme deri në largimin e tij.

Konferencën e sotme për media, Kryetari i Partisë Demokratike e nisi me një urim për besimtarët e krishterë dhe mbarë shqiptarët që Krishtlindjet e tjera t’i festojmë pa këtë kolerë të zezë që ka pllakosur vendin.

“Së pari, urimin më të përzemërt besimtarëve të krishterë shqiptarë, që kremtojnë sonte ditën e lindjes së burrit, hyjit, që me moralin e tij, mësimet dhe udhëzimet e tij, ndikoi më shumë se kushdo tjetër në vlerat e qytetërimit perëndimor dhe mbarë njerëzimit, ditën e lindjes së Krishtit Mbret.
Uroj përzemërsisht të gjithë klerikët e besimit të krishterë me shumë mirënjohje për kontributin e tyre të jashtëzakonshëm në lartësimin e vlerave hyjnore.
Uroj besimtarët dhe mbarë shqiptarët që Krishtlindjet e tjera t’i festojmë pa këtë kolerë të zezë që ka pllakosur vendin.
T’i festojmë në liri, në dinjitet, në shpresë dhe besim tek e ardhmja,” tha Sali Berisha duke vazhduar me aktualitetin politik ku Edi Rama ka dalë hapur kundër heqjes së imuniteteve dhe arrestimit të kriminelëve!

“Siç del qartë, Edi Rama, i ngërthyer tani kokë e këmbë nga mafia e tij, Lubi Balluku, Ergys Agasi, Olta Xhaçka, Taulant Balla, etj, në një vendim in-ekstremis, ka vendosur të asgjësojë, të bllokojë zbatimin e ligjit dhe të vendimit të prokurorisë dhe gjykatave.
Ai del haptas kundër heqjes së imuniteteve dhe arrestimit të kriminelëve, të kryetarëve të organizatave kriminale, Lubi Balluku është me të gjithë të dhënat e veta kryetare e një organizate të strukturuar kriminale.
Por problemi në këtë rast është se kapo i kapove është Edi Rama.
Dhe ai e ka shumë të qartë.
Ai është skllav i krimeve të veta.
Ndaj dhe sot shpresë e vetme, fjalë e vetme është fjala e qytetarëve.
Dhe unë i garantoj qytetarët me besimin më të madh se me revoltën e tyre, me revoltën e popullit opozitar, Edi Rama do ia mbathë siç ia ka mbathur çdo diktator tjetër.
I garantoj se edhe prapa diellit po të shkojë, do ta sjellim para gjykatës në Shqipëri.
Pra, sot për largimin e tij nuk kërkohet asgjë tjetër përveç guximit, vendosmërisë dhe vullnetit të qytetarëve shqiptarë në një protestë të qëndrueshme gjer në largimin e tij.
Prova u bë, revolta u dëshmua.
Por kjo duhet të jetë e qëndrueshme.
Bulevardi duhet të jetë i qytetarëve.
Sheshi duhet të jetë i qytetarëve.
Jo një ditë, dy apo tre, por aq kohë sa duhet për ta larguar.
Ndaj dhe ne do punojmë fort,opozita do punojë fort për të bindur qytetarë të gatshëm për sakrifica në një revoltë paqësore për të larguar nga skena regjimin më të urryer, më armiqësor, që ata kanë pasur pas Enver Hoxhës që ata kanë pasur në histori,” tha lideri i opozitës ndërsa foli dhe për Ergys Agasin për njeriun i cili është futur në biznes më 15 shtator me 1 mijë euro dhe ka dalë në dhjetor me 234 milionë euro.

“Po flisja për imunitetet, por nuk është më pak e zezë, përkundrazi edhe më e zezë është dosja e AKSHI-t, ku në të vërtetë kopshti privat i Edi Ramës ka pasur si protagonist kryesor në hije baxhanakun, peshkaqenin Armand Frangu.
Dhe natyrisht patronazhisten e AKSHI-t, Linda Ramën, siç është faktuar me dokumente.
Armand Frangu, ky mafioz i denoncuar para jush dhe në parlament me dhjetëra e dhjetëra herë, dhe që për fat të keq mediat e qeverisë ngurojnë t’ia përmendin emrin, pacaka e dinë se më mirë se unë se Ermal Beqiri është Armand Frangu, se Gerond Meçe është Armand Frangu, se Daniel Shima është Armend Frangu, por atë nuk e përmendin.
Mos harroni një gjë.
Duhet të mbani parasysh, AKSHI është agjenci që varet direkt nga kryeministri. Nga Edi Rama.
Së dyti, duhet t’u rrëfej këtu se njeriu më intim, përveç baxhanakut i të gjithë zyrtarëve në Shqipëri, është Ergys Agasi. I faktuar. I faktuar. I faktuar.
Ndaj dhe ky intim-Agasi na rezulton në librat e shtetit me fitime përrallore që nuk i ka njohur njeriu në historinë e njerëzimit. Fitime të cilat tejkalojnë brenda 5 muajve kapitalin fillestar 22 milionë herë.
Është futur në 15 shtator me 1 mijë euro dhe ka dalë në dhjetor me 234 milionë euro.
Intim-Agasi, ta quajmë këtë mafioz për ta kuptuar njerëzit më mirë se çfarë ka ndodhur.
Pra, ky Intim-Agasi ka vënë aty 1 mijë euro dhe ka dalë në dhjetor me 22 milionë herë më shumë.
A mund të kuptohet kjo?
A mund të ndodhë kund në botë kjo përveçse me Intim-Agasin?
Të gjitha këto para të vjedhura qytetarëve shqiptarë në kopshtin privat të Edi Ramës, për Edi Ramën.
Dhe mediat rrinë dhe merren me Ermal Beqirin, Gerond Meçen, Ervina Gjanën që shkoi drejtoreshë e kiber-hetimit, etj, etj.
Pra, a mundet një njeri të futet në shtator me 1 mijë euro të regjistrojë EA Solutions, se të gjitha këto të Armand Frangut janë me Solutions, se ky i ka zgjidhjet ky mafioz që u ka rrëmbyer qindra e qindra milionë euro shqiptarëve.
Me këto emra, me Ermal Beqirin, me Gerond Meçen, duke legalizuar një proces ultra-mafioz në konkurrencë.
Duke paraqitur oferta fake vetëm për t’i çuar në ankime, për t’i anuluar nëse ndonjëri kishte sjellë ndonjë ofertë më të përshtatshme,” tha Berisha duke fol për fitimet e kompanisë së Ergys Agasit “EA Solutions” që u rritën 22 milionë herë në 4 muaj në kopshtin privat të Edi Ramës.

“A mund të imagjinoni ju një hajdut në një shtet të këtyre përmasave?
Të gjitha këto në kopshtin privat të Edi Ramës.
Nuk ka provokim më të madh për shqiptarët, nuk ka fyerje më të madhe se sa çdo minutë që Edi Rama qëndron në pushtet.
Ja ku është kapur pra.
Kompania e kopshtit të tij me 22 milionë herë fitime më të mëdha se kapitali fillestar brenda 4 muajve.
Kush mund të imagjinonte këto?
Edi Rama ka vendosur të përdorë të gjithë brutalitetin e shtetit për të mos dhënë dorëheqjen, por populli opozitar do i rezervojë atij fundin që meriton.”

Dhe, derisa Edi Rama nuk heq imunitet, atëherë populli opozitar do të flasë me gjuhën e tij më të bukur, tha Kryetari i Partisë Demokratike, atë të luftës për liri.

“Vetëm dje, dy gjykatës të Gjykatës Kushtetuese, skllevër mjeranë të pushtetit u deklaronin miqve të tyre, se e kuptojmë se Edi Rama ka marrë fund, por përsëri na kërkojnë që në datën 18 të votojmë në favor të tij.
Dy gjykatës Kushtetues skllevër të pushtetit, i dini ju, lexoni librin e gjeni kush janë. Aty ka dhe gra, nuk po them gra, burra. Dy burra, gjykatës skllevër të pushtetit u deklaronin miqve të tyre në mënyrë të pavarur, se ne e kuptojmë se Edi Rama ka marrë fund, por prap na bëjnë presion të jashtëzakonshëm për të votuar për të në datën 18.
Ndaj dhe nuk kam asnjë lloj mëdyshje, që ia nuk do të heq imunitet, sepse të parin imunitet që heq, do detyrohet të heq të dytin të vetin dhe ai nuk e bën,” tha Kryetari i Partisë Demokratike, Sali Berisha, duke përfunduar:
“Atëherë populli opozitar do të flasë me gjuhën e tij më të bukur, gjuhën e luftës për liri dhe dinjitet.”