Edi Rama mashtroi, sot Vuçiç në Paris kërkon dritën jeshile për “Mini Shengen”
Takimet në Novi Sad dhe Ohër të Aleksandar Vuçiçit dhe Edi Ramës për “Mini Shengen” sot u bë e ditur se janë vetëm spektakle mediatike sepse vetëm sot Vuçiç ka udhëtuar drejt Parisit për të kërkuar dritën jeshile nga Presidenti Emmanuel Macron.
Sllobodan Zeçeviç nga Institui për studime evropiane, ka sqaruar për televizionin publik të Serbisë, RTS, se prezenca e Vuçiçit në “Forumin e Parisit për paqe” është e rëndësishme sepse ai aty do të kërkoj mbështetje nga Presidenti Macron për “Mini Shengen”. Presidenti Vuçiç, tha ai, ka theksuar se do t’ia bënë të ditur Macronin iniciativën për “Mini Shengen”:
“Mendoj se ai po troket në derën e hapur. Macron mezi po e pret këtë ide, sepse kjo është një lloj përgatitje për hyrje në BE, përpjekje për të arritur standardin jetësor të popullsisë, që të intensifikohet shkëmbimi tregtar në rajonin tonë. Kjo në thelb i përgjigjet edhe Macronit i cili mendon se deri sa ne të futemi në BE, duhet të punojmë në marrëdhëniet tona. Me siguri se do ti jap dritën jeshile,” tha Sllobodan Zeçeviç duke sqaruar se “Mini Shengeni” është ide e Presidentit Aleksandar Vuçiç dhe nuk është se është konsultuar nga ndonjë palë ndërkombëtare siç u mundua të shitet nga Tirana zyrtare.
Pra, thjeshtë një dëshirë e Beogradit nga viti 1912 që u hodhë në letër në vitin 1946 dhe u pranua nga krimineli komunist Enver Hoxha.
Kështu, sot Sllobodan Zeçeviç nga Institui për studime evropiane, jo vetëm që e bëri të qartë se “Mini Shengeni” aktualisht nuk gëzon mbështetje ndërkombëtare por pa dashje konfirmoi se vendimet e Podgoricës, Sarajevës dhe Prishtinës zyrtare për të mos e mbështetur këtë iniciativë të Vuçiçit dhe Ramës ishte e drejtë.
Ndryshe, “Forumi ekonomik i Parisit për paqe” është themeluar më 11 Nëntor të vitit të kaluar nga Presidenti Emmanuel Macron, me qëllim të promovimit të politikës së jashtme franceze para liderëve botëror dhe përfaqësuesve të organizatave ndërkombëtare dhe atyre joqeveritare. Këtë vit, ai mbahet në La Villette dhe pritet të marrin pjesë rreth 6.000 pjesëmarrës. Këtu, Parisi zyrtar ka paralajmëruar se Emmanuel Macron do të promovoj konceptin e multilateralizmit, përballë nacionalizmit dhe bilateralizmit të Presidentit Trump.
