Edi Rama mbi Fushë Krujë!
nga Agim Popoci
“I love Tropoja” është pika që derdhii gotën e mbushur me urrejtje të Kryeministrit Edi Rama ndaj Veriut. U pa si një projekt, që një nip krimineli komunist në shërbim të Edi Ramës, bënë një film me fabul nga traditat e martesës në veri, për ta stolisur me humor në mënyrë që shqiptarët ta kuptojnë më mirë Tropojën ku sipas ideatorit të filmit, shpresa ka vdekur.
Ndoshta filmi dhe fabula e tij do të kalonin pa ndonjë reagim, sikur të mos ishte kjo qeveri që kohë më parë u fye nga një përshkrim i Shqipërisë nga të huajt, që bëri shtetin të reagoj edhe me video propagandistike ndërsa u përdor për fryrje të fyerjes edhe skena “Marko from Tropoja”! Sikur të qëndronte fabula e dasmës së filmit të nipit të kriminelit komunist, ndoshta banorët e zonës së Tropojës dhe gjithë veriut ndoshta do ta merrnin me më shumë sportivitet këtë film injorant, por kur një traditë malazeze i mvishet asaj shqiptare, me qëllim të denigrimit ramist të veriut, kjo doemos do të shkaktoj një reagim që nuk është thjeshtë film, nuk është thjeshtë mamaq, dhe nuk është thjeshtë fat i një të riu kur martohet në veri, ose siç e projekton Edi Rama në mendësinë e tij sapo ta kalojë Fushë Krujën!
Kur Edi Rama e quajti Rrugën e Kombit si “rruga e asgjëkundit” u konsiderua thjeshtë si një gjuhë e shfrenuar me arsyetimin “pse nuk e njihni ju Edi Ramën“, por para dhe rrotull tij, ky njeri kurrë nuk rastisi të kishte një njeri të arsimuar dhe ka prejardhjen nga veriu ose edhe më rëndë, nga një qytet ose fshat që ndodhet mbi Fushë Krujë. Llum, vetëm llum, dhe një që e gjeti me pak shkollë në veriun e thellë, Kosovë, e gjeti spiun serb.
Po, nuk është rastësi, Edi Rama e gjeti formulën e pagëzimit për tu inkorporuar në politikë, fushë ku ende nuk operon dot si njeri normal dhe pa krim!
Në Vuno kur flet për malet bukura dhe ujin e pastër të Tropojës i mbyll me një fjali, Sali Berisha; Por në Tropojë ku patjetër ka komunist, bregun e detit dhe pozitën përrallore të Vunoit nuk e mbyll me një fjali, Spiro Koleka! Nuk e mbyll edhe për faktin që nuk rri me njerëz të arsimuar por me kriminel. Sikur të kishte ndërmend edhe ta shtoj bagazhin e fjalëve ose butat e tij idiote, do ta kishte takuar qoftë edhe rastësisht Prof.Dr.Ahmet Osjën, që ndër të tjera është dhe nga soji i tij komunist, dhe i cili mund ta sqaronte se pse banorët e Vunoit konsiderohen nga jugu dhe janë vërtetë malok. Profesor Osja, si studiues i rrallë e ka sqaruar se prejardhja e banorëve të Vunoit vjen nga Prizreni, janë katolik deshi apo nuk deshi Spiro me Mugoshën; Ndonëse e ka të qartë ashtu si e Edi Rama, që 90 % e banorëve të Tropojës kurrë nuk do të shkojnë në Vuno, ose anasjelltas ata të Tropojës, pavarësisht traditave të martesës ose një filmi që denigron këto tradita!
Por si do t’ia bëjë politikën dhe inkriminin real të rivalit me krim, ishte një enigmë që shumë shpejt i dha zgjidhje. Lakmues kishte Fushë Krujën dhe vizitën e Presidentit të SHBA, George W. Bush!
Kur Presidenti i SHBA dhe njëri ndër miqtë më të mëdhenj të ketë kombit shqiptar, George W. Bush, vizitoi Fushë Krujën, impianti propagandistik i Edi Ramës sajoi “vjedhjen e orës” së presidentit, në turmën që doli ta priste njeriun e tyre të dashur. I transmetuar në dy televizione të rëndësishme shqiptare, lajmi mori dhen, Ambasada e SHBA reagoi shumë shpejtë duke përgënjeshtruar vjedhjen, por një gjë mbeti në koshiencën, subkoshiencën dhe mbikoshiencën e shqiptarëve që zoti i ka falë poshtë veriut, se malokët janë të pabesë!
Presidenti Bush thotë se ka ardhur koha për pavarësinë e Kosovës, ata i vjedhin orën! Ja, ky ishte perceptimi i krijuar që nuk u fshi kurrë nga memoria shqiptare dhe jo vetëm, edhe pas reagimit zyrtar amerikan shumë të shpejtë, ngjarje që edhe sot përflitet ndër evropian!
Nuk shkoi shumë dhe organizoi 21 Janarin ku u vranë 4 persona! Akuzoi shtetin, shkoi në njërën nga familjet e viktimave në Lezhë, fillimisht nuk u kuptua pse, por kur erdhën zgjedhjet e radhës dhe u zbuluan emrat e deputetëve, u kuptua e gjithë politika e Edi Ramës! Dhe, qershia mbi tortë erdhi me gardistin në detyrë, pjesë e togës që gjuajti mbi viktimat, dhe përfundoi si kryetar i PS. Për ata që u tronditën, Edi Rama u tregoi se nuk kanë parë gjë akoma, gardistin Agron Malaj e bëri kryetar të Bashkisë Mat që sot na del natyrshëm për Kryeministrin, me të kaluar kriminale.
Por, jo vetëm natyrshëm me Kryeministrin, Edi Rama i cili i shton dhe veriun. Për këtë urrejtje Edi Rama ëshë investuar sinqerisht! Për të mos thënë se i gjithë Veriu është krim dhe Sali Berishë, merr ca Tom Dosh e Paulin Sterkaj, dhe sjell Arben Ndokë dhe Mark Frrok. Po, e din se përderisa një tropojan nuk i bie rruga të shkoj në Vuno, një shkodrani në Berat, s’ka pse shkon edhe një lezhjan në Korçë. Ama beratasit dhe korçarit i sjell modelin e shkodranit dhe lezhjanit hiq më pak se në parlament, për ta përfaqësuar Veriun.
Pas më shumë se 100 vjetësh të krijimit të shtetit shqiptar, Edi Rama u thotë të ngjashmëve se ja kush është modeli i veriut; Dhe, duke luftuar akuzat e opozitës me propagandën antiberishiste, deri në momentin kur Arben Ndoka përdori mjetin e tij të komunikimit, dhunën, edhe në parlament, të gjithë e besuan njeriun që mbi supe kishte “1 milion shuplaka”. Përdorimi i grushtit të Arben Ndokës në parlament ndaj një deputeti rival konfirmoi se ai mund të ketë të kaluar kriminale, me prostituta dhe çfarë ti doj zemra, ashtu si dhe Mark Frroku dhe lëvizja e tij me makinë ministri, por edhe zhveshja e tyre nga gëzofi i deputetit socialist nuk i lë pa dorën e fortë të pushtetit, për të vazhduar jetën kriminale në zonë, aty ku Edi Rama jo që nuk njehë njerëz tjerë sapo kalon Fushë Krujën, por edhe nuk do të njeh njerëz të tjerë sepse e do votën, e do pushtetin.
Zgjedhjet lokale të vitit 2019 konfirmuan të gjitha dyshimet, madje edhe për ata që i besuan një gardisti i cili edhe nën betim nuk na i paska zbatuar urdhrat e eprorit, pra, nuk paska gjuajt më 21 Janar! Dhe, betohet, pra kot, para anëtarëve të Këshillit Bashkiak se do të respektoj ligjin si kryetar i Bashkisë Mat.
Dhe jo vetëm kaq! Qytetin, të cilin mediat që Edi Rama i ka nën kontroll, e quajnë djepin e kulturës, Shkodrën, e la në duart e një krimineli. Më pas, morri djepin e kulturës, e bëri copash, dhe për ti vënë flakën një herë e mirë, u tha shkodranëve se Drejtorinë e Arsimit e keni në Lezhë ndërsa atë të Arkivave e keni në Rrëshen. Ja ky është Edi Rama!
Për ata që nuk e kuptojnë urrejtjen, jo të një nipi të komunistit si Spiro Koleka, por të Kryeministrit, qoftë ky dhe Edi Rama, e konfirmoi Kryeministri i Kosovës, Ramush Haradinaj! Ti thuash dikujt, kudo në botë, jo nga niveli i parlamentarëve dosh, frrok e prengë por një nivel normal njerëzor, se është një vend në Evropë, aq i rregullt, sa kur vjen një kryeministër në vizitë mund të sajdiset në mënyrë protokollare, të shoqërohet me policinë e shtetit, ama kur vjen te trau i pagesës së autostradës, ai Kryeministër i huaj duhet të dalë dhe ta paguaj taksën e rrugës, nuk do ta besoj! Nuk do ta besoj edhe kur i thua se kjo autostradë, Rruga e Kombit, i është dhuruar Qet Kastratit!
Dhe nuk është për tu besuar ndonëse e konsideron rruga e asgjëkundit, por e gjitha kjo fabul kriminale ka të bëjë me veriun dhe urrejtjen e Edi Ramës!
Shqiptarët që jetojnë mbi Fushë Krujë ndoshta mund pajtohen me Edi Ramën se ky Kryeministër u ka ra për hise, por këtë nuk duhet ta thotë Ramush Haradinaj kur është Kryeministër. Modelin e ka, dhe ky është Ibrahim Rugova.
Kur Presidenti i Kosovës, Ibrahim Rugova gjatë kthimit nga Rambujeja ndaloi me delegacionin në Tiranë, për shkak të procedurave që kishin me uljen në Aeroportin e Prishtinës i cili ishte nën okupimin serb, Dr.Rugova nuk doli nga avioni për tri orë dhe qëndroi në pistën e Rinasit ndonëse kishte ardhur ti takoj Presidenti i Shqipërisë, Rexhep Mejdani. U kritikua për alergjinë që kishte ndaj komunistëve shqiptarë, por vizita e tij në Tiranë, kur u takua me Kryeministrin Fatos Nano i dha të drejtë!
Dr.Rugova e priti Nanon më shumë se 30 minuta te holli i Kryeministrisë në Tiranë, dhe kur doli paraardhësi komunist i Edi Ramës, e tha me zë para gazetarëve se ishte duke parë ndeshjen e futbollit që po luante kombëtarja. Ky rast, ndoshta e shfajëson pak personin Edi Rama, por e bënë më të qartë panoramën e krimeve në veri dhe anulimin e Konferencës së Bujanit për ta lënë Kosovën në duart e Serbisë. Po, Edi Rama është komunist shqiptar, nuk do asnjë qenie të gjallë shqiptare mbi Fushë Krujë! E ka Serbinë!
