Edi Rama me opozitën e tij në seancë plenare!

Edi Rama me opozitën e tij që e ka në proces themelimi do të zhvilloj sot seancë plenare ku pritet të betohen para shokut Gramoz edhe deputetë e rinj, Adriatik Alimadhi, Arben Elezi dhe Amra Barova ndërkohë ata që vazhduan të jenë pjesë e opozitës shqiptare do të jenë pjesë e protestës para Parlamentit të Shqipërisë.

Kështu në seancën me 7 Pika të rendit të ditës vlenë të veçohet Pika 3. ku Komisioneri për të Drejtën e Informimit dhe Mbrojtjen e të Dhënave Personale për vitin 2018 do të shpalos Raportin vjetor, raportim i cili bëhet pa opozitën dhe i jep komoditet Komisionerit të shkel ose mospërfill të gjitha vërejtjet e vazhdueshme që ka bërë opozita në këtë drejtim.

Dhe, Pika 4. që lehtëson punën e ministrit të Brendshëm, Ish-Gjeneral Sandër Lleshaj me vettingun në polici i cili tashmë mundëson edhe mbushjen e Policisë së Shtetit me militantë partiak.

Pra, me Projektligjin “Për disa ndryshime dhe shtesa në ligjin nr.12/2018, “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme”” do të përmbyllen edhe synimet e Edi Ramës për zgjedhjet lokale me një polici me vetting të cunguar, dhe jo vettingun të cilin e kishte proklamuar në çdo takim vendor dhe kancelari evropiane.