Edi Rama me Paketën Antishpifje në Parlament, gazetarët në protestë!
Ndonëse nuk kanë kaluar as 40-at e tërmetit tragjik të 26 Nëntorit ku mbetën të vdekur 51 qytetarë dhe shumë banorë të prekur nga tërmeti ankohen se mungon dora e shtetit, sot Kryeministri Edi Rama arrinë të organizoj një seancë plenare shumë të rëndësishme të Parlamentit të Shqipërisë në prag të së cilës nuk po diskutohet për bombën sociale që pritet të shpërthej, gjendjen e jashtëzakonshme që pritet të shtyhet, Buxhetin 2020 që pritet të kaloj madje as për shkarkimin banditesk të anëtarit të Këshillit Mbikqyrës të Bankës, Arben Malaj, por për Paketën Antishpifje që është shqetësimi i fundit i kësaj shoqërie.
Edhe pse e tillë, Edi Rama sajoi një debat dhe reagim aq të madh duke hartuar një paketë ligjore me analfabetë që nuk mund të bëjnë as dallimin në mes të shtypit të shkruar dhe një gazete online që sot në kohën moderne njeh numrin e konsumatorit më të madh, por që kanë sukses në shpërqëndrimin e vëmendjes nga kriza politiko-sociale për tu marrë edhe me gjëra që mund të presin deri në tejkalimin e kësaj situate të rëndë që ka kapluar vendin.
Dhe, kur reagimet dhe debati morën dhenë nga Tirana në Vjenë dhe nga Brukseli në Washington, Kryeministri Edi Rama dje e bëri të qartë se Paketa Antishpifje do të miratohet në seancë plenare pa përfillur debatin i cili në çdo moment që kalon bëhet një paketë ligjore gjithnjë e më e paqartë dhe gjithnjë e më shumë e kundërshtueshme nga komuniteti i gazetarëve:
“Projekti do të hyjë nesër për miratim në seancë pas një pune të përbashkët thuajse njëvjeçare me OSBE e i dakordësuar 100% me ekspertët e zyrës së Vienës nën drejtimin e @harlemdesir. I falenderoj për kontributin e çmuar dhe angazhimin në vazhdim për aktet nënligjore #Antishpifje”
Dhe jo vetëm kaq! Deris asnjëri nga deputetët socialistë hartues të kësaj pakete ligjore nuk jepnin një version të ngjashëm të ligjit, Edi Rama përmes rrjetit social Twitter jep dhe versionin që ai e quan final:
“Keqardhje për ata që lirinë e shprehjes e përdorin për t’u ankuar për mungesën e lirisë;për ata që nxjerrin deklarata pa lidhje fare me ligjin e ri; për ata që çirren për diktat imagjinar mbi mediat dhe për të gjithë bashkë që as nuk e kanë lexuar tekstin https://t.co/6VWSaArkPX “
Por pavarësisht gjithë kësaj çmendurie qeveritare, komuniteti i gazetarëve sot proteston në orën 9:30 para Parlamentit të Shqipërisë.
Ndryshe, seanca e sotme plenare e cila fillon në orën 10:00, ka këtë Rend të Ditës:
