Edi Rama me Patronazhistët s’mund të jap leksione civilizimi! Tifozët le të sillen si Tifoz!
Në ditët kur Policia e Shtetit të Edi Ramës dha kumtin për masat e marra për përballen e së shtunës, Shqipëri-Serbi, në rrjetet sociale dhe mediat që ka nën kontroll, shpërtheu një histeri civilizimi thuase tifozët ultras Kuq e Zi po shkojnë të luftojnë në Arenën Kombëtare, ndonëse edhe aty iu mohua prezenca!
Biletat, u tha nga kreu i Federatës Shqiptare, Armand Duka, do të përzgjedhen me short, por harroi Duka se me short nuk iu mbyll dot gojën Patronazhistëve të Edi Ramës, për të cilët jan dedikuar edhe biletat, dhe i shpërndajnë ose me raste edhe i shesin, sheshit!
Por, ti kthehemi civilizimit, meqë Edi Rama mendon se pas propagandës që sforcoi, e ka nën kontroll stadiumin me Patronazhistë, meqë tifozave Kuq e Zi u tregoi vendin te thana e Vëllezërve Frashër, ku do të ndjekin sonte ndeshjen!
Nëse ka në këtë tokë shqiptare njeri që me veprimet e tij e përdhosi Flamurin Shqiptar, ai është Edi Rama, së fundi në fushatën zgjedhore, dhe kjo lukuni e edukatorëve të civilizimit, HESHTI!
Në tubimin zgjedhor në Greqi për zgjedhjet e 11 Majit, në sallën e përmbytur me Flamurin Kombëtar, Edi Rama përveç se e përdhosi duke folur për kombin, NE dhe ATA, e përvetësoi për partinë më kriminale në Evropë, Partinë Socialiste, duke i urdhëruar të gjithë ata që nuk do të votojnë për këtë parti, të mos dalin në zgjedhje fare!
Ligjërimin e përsëriti ndër shqiptarët e emigruar në Itali dhe Britani, ndërsa asqerët e tij pa fije turpi shkaktuan një përçarje kombëtare të paparë, që zor se do të kurohet, vetëm për të fituar zgjedhjet parlamentare më 11 Maj!
Dhe, sot, ky llum komunist, që ndeshjet e futbollit i sheh sa herë që marrin urdhër nga partia, zgjohet për të mbrojtur kombëtaren e Serbisë, sepse disa ultras shqiptar po sillen si ultras, dhe disa tifozë nga Lugina e Preshevës, Kosova dhe Maqedonia e Veriut e shprehin dëshirën për fitoren e Kombëtares së tyre, siç e shprehën në Kampionatin Evropian, aty ku Armand Duka dhe Edi Rama nuk i ndaluan dot!
Qershia mbi tortë e gjithë këtij maskarallëku të civilizimit janë Patronazhistët!
Rrëmbimi i të dhënave të të gjithë shqiptarëve, për këtë llum të shoqërisë është civilizim! Dhe, pasi ju treguan shqiptarëve se e dinë se për kë kanë votuar, cila është adresa ku banojnë, sa është kësti i kredisë që kanë për shtëpi, pasi i blenë votat e shqiptarëve ose kartat e tyre të identitetit deri më 12 Maj etj.etj. sot, ky llum i shoqërisë shqiptare që e shembi Teatrin Kombëtar në sy të Kombit, i mëson tifozat Kuq e Zi se çfarë është civilizimi dhe si duhet të sillen kur futen në Stadium, aty ku do të përballen me kombëtaren e Serbisë!
E kur një ditë para ndeshjes u shfaqet një baner me Shqiponjën tonë krenare me mesazhin për kombëtaren serbe, “S’keni shpëtim”, alarmohen të gjithë, hallakaten rrjetet sociale dhe mediat duke ju treguar po këtyre tifozëve se nuk ka vend për urrejtje në stadium, se ne jemi popull i civilizuar!
Po kush tha që nuk jemi të civilizuar o llumi i shoqërisë shqiptare, po Tifozat Shqiptar janë krenaria e Kombëtares Shqiptare dhe jo tmerri qysh e përcepton Edi Rama dhe Armand Duka kur përballen me Serbinë, dhe, blindojnë pikat kufitare me Kosovën dhe Maqedoninë Veriut.
Kot e keni! Jo 2000 forca të SHISH, FNSH dhe RENEA që keni angazhuar, kamera me teknologji “face recognition”, kamera të lëvizshme për monitorim në kohë reale, pushkë anti-drone dhe pajisje për neutralizimin e çdo droni që mund të paraqesë rrezik nga ajri, dhe bllokimin e të gjitha rrugëve që të çojnë në stadium, kufizimin e qarkullimit në zonën përreth, verifikimin e biletave dhe dokumenteve të identifikimit për çdo tifoz që hyn në stadium, por, edhe 20 mijë forca sa kishte ushtria e Milosheviçit në kufi nuk i ndaloi dot shqiptarët të shkelin në tokën e tyre, dhe, nuk do t’i ndaloni dot as ju!
Sa për Kombëtaren e Serbisë, Ju dhe pasardhësit tuaj mund të vazhdojnë ta duan ma shumë se Kombëtaren e Shqipërisë, por, ajo ishte dhe do të ngelet një përfaqësuese e një populli që vrau shqiptarë, sa duhet edhe shumë kohë të thahet gjaku në tokën që Edi Rama dhe Armand Duka nuk e konsiderojnë shqiptare, por ishte dhe do të shtrihet deri në Mitrovicë.
Sa për ndeshjen e sotme Shqipëri-Serbi në orën 20:45 në Arenën Kombëtare, çifti Rama-Duka mund të rrijnë të qetë për mundësinë e shpërthimit të ndonjë trazire!
Ky popull kriminel serb është mundur në fushën e betejës me Ushtrinë Çlirimtare të Kosovës, Ushtrinë Çlirimtare të Preshevës, Medvegjës dhe Bujanocit, dhe Ushtrinë Çlirimtare Kombëtare!
Tifozët e këtij populli kriminel serbë, shqiptarët i njohin nga ndeshjet në Beograd jo vetëm kundër Kombëtares Shqiptare kur Presidenti i Serbisë, Aleksandar Vuçiç nuk dha leksione civilizimi, dhe me leksionet intensive të civilizimit që kanë marrë nga tifozët në Kroaci, Bosnje, Itali, Austri, Angli dhe Francë!
Në fund, Tifozët e Kombëtares Shqiptare ishin dhe do të jenë krenaria jonë kombëtare, pavarësisht se kujt i pëlqen, dhe pavarësisht se cilin nivel civilizimi e preferon Byroja Politike me në krye Edi Ramën!
Fitore!
