Edi Rama merr kot, kërkon nga Parlamenti të shpall në kërkim prokuror dhe gjykatës

Shpërfilli të gjitha ligjet dhe solli Arta Markun në krye të Prokurorisë shqiptare, i bëri copash spaletat e gjeneralit për ta sjell në krye të ministrisë së Brendshme, Sandër Lleshajn, u mburrë me Reformën në Drejtësi dhe vettingun e prokurorëve dhe gjykatësve, por kjo nuk i mjaftoi Edi Ramës kur po i arrestohen drejtorët, e shqetësim i madh u bë Drejtori i Kadastrës Durrës.

Kjo acaroi shum Kryeministrin me ditë të tëra dhe sot në seancë plenare mori dhe kot duke i kërkuar Parlamentit, reagim me forcë ndaj këtyre prokurorëve, që sot i etiketoi edhe si pjesë e grupit më të madh kriminal në vend, kap ça të kapësh ose KÇK, duk kërkuar nga parlamenti ta shpall edhe në kërkim.

“I them parlamentit se ka ardhur koha që të reagojmë me forcë ndaj prokurorëve dhe gjykatësve që nuk e kanë kaluar vetingun e dinë që nuk e kalojnë dhe kanë nxjerrë dhe një togfjalësh mes tyre, KÇK, kap ca të kapësh. Këtë grupim KÇK ky parlament duhet ta shpalli grup në kërkim, jo metaforikisht, e them në mënyrë të drejtëpërdrejtë!”

Duke harruar se nuk është nëpër ato livadhe që shpëndante tesera legalizimi me Lamçen, filloi ta ngatërroi pushtetin e sovranit nga viti 1945 me atë të shtetit që po i bie zilës së Bashkimit Evropian në vitin 2019 dhe po pret ti hapet porta:

“Ta shpalli në kërkim, me çdo mënyrë, duke ushtruar pushtetin e sovranit këtu të gjithë së bashku, është e kotë ti bëjmë njëri tjetrit predikime dhe e kotë që nga tryezat e opozitës të ngrihemi këtu e të fajësojmë qeverinë, apo nga qeveria të ngrihemi e të justifikojmë. Procesi i vetingut për të përfunduar do kërkojë disa vjet, e ne nuk lejojmë që prokurorë si ai i Durrësit, gjykatës si ajo apo plot të tjerë të bëjnë kërdinë mbi njerëzit, cdo ditë”.

Dhe nuk u mjaftua me kaq! Filloi karnevalin me gjyq popullor duke thënë nga foltorja se çfarë kishte bërë ai burri, e ajo gruaja dhe ky dikush, me krushk e vjehrra:

“Policia po ju them e do ju sjell prap, se janë thënë e stërthenë sa herë policia ka dështuar në përballjen me gjykatën për vrasës që pasi kanë dalë kanë rivrarë për dhunues që pasi kanë dalë kanë ridhunuar, janë qindra. KÇK është grupi më i madh kriminal në Shqipëri, sot me fakte, prokurorë e gjykatës që e dinë se vetingun se kalojnë dot. Si mundet një prokuror të regjistroje tokë të dhuruar në emër të gruas, që paska qenë asistente a avokate e dikujt dhe ky dikushi regjistron tokën 500 metra dhe dhuron 50 mijë metra? E keni parë ndonjëherë që dhuruesi të dhurojë 100 fishin e gjësë që ka? Keni ju ndonjë krushk, ndonjë vjehrrë, ndonjë kunat kaq zemërgjerë sa tju dhurojë 100 fishin e asaj që ka?”

E ata që zemërohen me Parlamentin e Holandës, kishin rastin të shohin arsyet se pse u vejn për të vjellë kur u përmendet Shqipëria si anëtare e barabartë me ata që hajdutët i kanë në burg dhe jo në parlament. Dhe kur një deputet mori guximin ta ndërpres, pavarësisht që ishte i Ballit Kombëtar në shërbim të Kryeministrit, ai iu hakërrye:

“E prisja ndërhyrjen e Ballit Kombëtar, por po flasim këtu për krime jo për pula, megjithëse jam dakord që të flasim edhe për pula. S’e ngrita këtu t’ju kërkoj ndihmë, por tju them që ky parlament duhet të reagojë ndaj këtyre dy kategorive, në kushtet kur sot jemi në një proces tranzicioni të sistemit të drejtësisë, që në fund do jetë i mjaftueshëm por deri atëherë nuk ka garanci për asnjë, për asnjë, për asnjë. Këtë garanci do e japë ky parlament. Se është kollaj nga tavolna e nga lartësia e teorive të ligjit vuajten e tjetrit, është kollaj ti përgjigjesh nga lartësia e asaj tryeze duke i thënë të vërtëtën një viktime që jam me ty po skam ca bëj se këtë e ka drejëtësia, por ku është drejtësia, le të thonë ca të duan, të hidhen përpjetë që të gjithë, këtë ndërhyrje do e bëjë parlamenti, me cdo cmim.”

Në momentin kur e kuptoi se kishte marrë kot bëri ca hapa mbrapa por sërish kërkoi masa ekstreme:

“A ka ku të rrijë, gjejeni vete se çfarë duhet të rrije, po a ka ku të rrijë, që ne mblidhemi këtu, dhe pavarësisht kësaj, e çfarë thuhet në kushtetutë e ligj, prokurorë e gjykatës e nisin ditën duke grabitur, dhunuar, poshtëruar njerëz që kanë votuar që ne të vijmë këtu, ka kjo ku të rrijë. Ne nuk fusim njerëz nëpër burgje, se nuk e kemi këtë kompetencë dhe nuk kemi ndërmend ta marrim se bie sistemi, ama mund të mjaftohemi me të fortët ne, me KÇK, me të fortët që vijnë vërdallë dhe bëjnë ligjin mbi ligjin, duke thënë që presim procesin.”

Edhe pse e pranoi më në fund se nuk merr vesh nga të drejtat evropiane, për çfarë dhe shteti shqiptar humbi mijëra gjyqe në Strasburg, dhe u zhduk nga faqja e dheut Gjykata Kushtetuese, ai e bëri të qartë se do ta shpërdoroj pushtetin e popullit:

“Unë nuk mjaftohem dot, nuk jam shumë i zoti për të kuptuar mirë si funksionojnë konventat evropiane, por jam i dëgjueshëm dhe tronditur nga ça dëgjoj. Është koha të marrim masë ekstreme, po aq sa është veprimtaria e këtyre kriminelëve, në prokuroi, gjykata, rrugë që janë bashkë e bëjnë të njëjtën gjë edhe kur nuk janë bashkë. Ça është ky që vë në mbrojtje burrin dhe kundërshton vendimin që ai nuk duhet ti afrohet gruas pasi e ka bërë gjysmë njeriu? Është një kokërr krimineli. Po të ishte e njohura juaja ajo,  do vinit këtu e do i binit qeverisë, ose do vinit e do thoshit fjalim emocional, si ky imi, që nuk vlen asgjë nëse nuk veprojmë. Nuk lejojmë ne më që vendi të mos bëjë kapërcimin e fundit historik në raport me këta palaço, në prokurori, gjykatë e rrugë, të jeni të sigurt që do ta marrim mbështetjen, nga populli nuk diskutohet por edhe nga partnerët.”