Edi Rama merret me leje-daljet e makinave, homologu i tij kroat krijon korridore për turistët çek, austriak dhe hungarez

Deri sa Kryeministri Edi Rama merret me leje-daljet e makinave dhe grave ndërsa mburret me lirinë që “falë” pas terrorit me arkivole dhe të vdekur, homologu i tij kroat Andrej Plenkoviç është angazhuar të bisedoj me liderët e shteteve prej nga frekuentohen më së shumti plazhet e Kroacisë.

Kjo ide, shkruan e përditshmja kroate “Jutarnji list” vjen pas propozimit të Shoqatës së Agjencive Turistike të  Çekisë për të krijuar korridore të posaçme ajrore dhe tokësore për turistët çek, të cilët do të shkojnë me pushime në Kroaci, me vërtetime të veçanta se nuk janë të infektuar me COVID-19, variant i cili mund të përdoret edhe me Austrinë dhe Hungarinë, për të cilën do të vendoset në bisedimet me kryeministrat Viktor Orban dhe Sebastian Kurz.

Kështu, javën e ardhshme pritet që ministri kroat i Turizmit, Gari Cappelli, do ta kontaktoj ministren çeke për Zhvillim Rajonal, Klara Dostalov, për tu  informuar me këtë plan çek, pas bisedimeve që zhvilluan të premten kryeministri i Kroacisë, Andrej Plenkoviç dhe ai i Çekisë, Andrej Babish.

Propozimi i Shoqatës së Agjencive Turistike të Çekisë për palën kroate është lehtësisht i zbatueshëm me Austrinë dhe Hungarinë për shkak të situatës epidemiologjike në këto shtete ndërsa po punohet me Çekinë, në prag të mbledhjes online të 20 ministrave të turizmit që do të zhvillohet më 27 Prill.