Edi Rama merret me trillime dhe gënjeshtra, Basha: Ekonomia jonë në kolaps!
Pasi Ish-Zyrtari i UNMIK-ut, Ehat Miftaraj, mohoi akuzat e Edi Ramës kundër Lulzim Bashës dhe foli për kontributin e tij në themelimin e institucioneve të Kosovës, Kryeministri Edi Rama nxitoi ti jap një dorë akuzave por Kryetari i Partisë Demokratike vazhdon të jetë i përmbajtur duke mbajtë linjën e kujdesit ndaj shëndetit dhe ekonomisë shqiptare.
“Ndërsa Rama merret vetëm me trillime dhe gënjeshtra kundër meje, ekonomia jonë është në kolaps. Studimi i Fondit Monetar Ndërkombëtar tregon se Shqipëria është ekonomia më pak e kredituar në Ballkan,” thekson Lulzim Basha në reagimin e tij përmes rrjetit social Facebook duke sjellë të dhënat më të reja nga Fondi Monetar Ndërkombëtar duke shtuar se për 7 vite me radhë Edi Rama e shkatërroi ekonominë dhe kjo është arsyeja pse Rama nuk jep ndihmë financiare për familjet që vuajnë nga kriza ndërsa konstaton:
“Shqipëria është vendi që u jep më pak ndihmë ekonomike qytetarëve të saj!”
Statusi i plotë:
Ndërsa Rama merret vetëm me trillime dhe gënjeshtra kundër meje, ekonomia jonë është në kolaps. Studimi i Fondit Monetar Ndërkombëtar tregon se Shqipëria është ekonomia më pak e kredituar në Ballkan.
Për 7 vite me radhë Rama e shkatërroi ekonominë. Kjo është arsyeja pse Rama nuk jep ndihmë financiare për familjet që vuajnë nga kriza. Shqipëria është vendi që u jep më pak ndihmë ekonomike qytetarëve të saj!
Ne do ta ndryshojmë këtë. Ne do ndihmojmë të gjithë qytetarët, biznesin, të vetëpunësuarit, dhe do të sigurojmë ndihmë financiare për çdo familje. Bashkë do sjellim shpresë të re për Shqipërinë!
