Edi Rama na ka shpallur luftë, Lulzim Basha: Do t’i përgjigjemi me çdo mjet. Protesta e radhës do të…

Pas takimit me Aleatët, Kryetari i Partisë Demokratike, Lulzim Basha, ka zhvilluar një mbledhje me Kryesinë, Grupin Parlamentar dhe Kolegjin e Kryetarëve ku u vendos që protesta e radhës të zhvillohet më 21 qershor në orën 20:00.

Në situatën kur Edi Rama nuk përfill Dekretin e Presidentit, terrorizon qytetarët që nuk mendojnë si Kryeministri përmes policisë së Ish-Gjeneral Sandër Lleshajt dhe arreston mendimin opozitar, Kryetari i PD, Lulzim Basha, u shprehë qartë se Rama ka shpallur luftë dhe se do t’i përgjigjen me çdo çmim.

“Edi Rama na ka shpallur luftë. Duhet të mbrojmë vendin dhe qytetarët, Kushtetutën. Jemi në të drejtën tonë t’i përgjigjemi me çdo çmim dhe me çdo mjet.
Nuk ka zgjedhje pa opoziten. Është krim veçanërisht në kushtet e Dekretit të Presidentit.

Jemi në punë të pandërprerë. Takime me qytetarët për t’u shpjeguar njerëzve se Rama po bënë grusht shtetit. Është rrezik kombëtar, duhet ndalur menjëherë.

Vendi Rrezikon rikthimin e vizave, izolimin, regjim represiv përmes arrestimeve,” tha Kryetari i PD, Lulzim Basha.

Ndryshe, ky vendim i strukturave më të larta të Partisë Demokratike vjenë pas vendimit të Edi Ramës për të mos përfill Dekretin e anulimit të datës së zgjedhjeve, duke theksuar se ato do të zhvillohen me çdo çmim, në 30 Qershor.