Edi Rama në Beograd, ushtria serbe “stërvitje” në kufi me Kosovën
Sot kur në kufirin Kosovë-Serbi ka filluar zbatimi i marrëveshjes për kalimin kufitar pa dokumentet serbe për hyrje-dalje, kur forcat speciale të Policisë së Kosovës po qëndrojnë në vendkalimet kufitare Jarinje dhe Merdare dhe KFOR-i me trupa shtesë po monitoron shpërthime të mundshme të trazirave serbe, ndërsa Kryeministri i Shqipërisë, Edi Rama viziton Beogradin ku pritet të firmos Marrëveshje për Sigurinë Ushqimore me Serbinë, Ministria e Mbrojtjes ka bërë të ditur se në kufi me Kosovën ushtria serbe ka filluar një stërvitje ushtarake për aftësimin e nivelit të lartë të gatishmërisë luftarake.
“Në kuadër të aktiviteteve të rregullta në baza të Zonës Tokësore të Sigurisë së Ushtrisë së Serbisë po realizohet stërvitja për realizimin e detyrave të caktuara,” thekson Ministria e Mbrojtjes e Serbisë duke arsyetuar në mënyrën e saj prezencën e madhe ushtarake në kufi me Kosovën:
“Stërvitja po kryhet për ruajtjen e nivelit të lartë të gatishmërisë luftarake të njësiteve të angazhuara dhe aftësimit të tyre që në rast nevoje, që të reagojnë shpejtë dhe garantojnë paqen dhe sigurinë në vijën administrative me Krahinën Autonome të Kosovës dhe Metohisë,” shprehet në njoftimin e saj Ministria e Mbrojtjes e Serbisë duke konfirmuar se sa e ngarkuar është politikisht, ku përveç kufirit që e njeh si “vijë administrative” edhe Kosovën e cilëson si Krahinë Autonome ndonëse me Kushtetutën e Serbisë as nuk është Krahinë e aq më pak Autonome; Sa për “Kosovë e Metohinë” kjo tregon se çfarë ndikimi ka Kisha kriminale Ortodokse Serbe ku shteti vazhdon ta cilëson pronën kishtare “Metohinë” edhe në toponim zyrtar.
Gjithsesi, Ministria e Mbrojtjes vazhdon me arsyetimin e prezencës ushtarake serbe sot kur filloj zbatimi i heqjes së dokumenteve serbe për hyrje-dalje në Kosovë, dhe forca të shumta speciale të Policisë së Kosovës janë në vendkalimet kufitare Jarinje dhe Bërnjak.
“Gjatë qëndrimit në bazën ushtarake, pjesëtarët e Ushtrisë së Serbisë bëjnë aftësime të ndryshme ushtarake, e theks i veçantë i kushtohet stërvitjes së veprimeve luftarake në rast të sulmit ndaj njësitit, taktikat, teknikat dhe procedurën që zbatohet në parandalimin e kalimeve ilegale, veprimit të grupeve ekstremiste dhe krimit të organizuar.”
Në fund, derisa me këto pamje Presidenca paralajmëron hapjen e panairit ndërkombëtarë të verës “Vizioni i Ballkanit të Hapur” në Beograd, me 400 pjesëmarrës prodhues të verës nga 20 shtete, organizuar nga Qeveria e Serbisë, e ku marrin pjesë Presidenti Aleksandar Vuçiç, Kryeministri i Shqipërisë, Edi Rama, ai i Maqedonisë së Veriut, Dimitar Kovaçevski, dhe i Malit Zi, Dritan Abazoviç, nga kufiri Kosovë-Serbi, Ministria e Mbrojtjes vjen me këto pamje paralajmëron:
“Forcat e Ushtrisë së Serbisë që angazhohen në sigurinë e vijës administrative me Krahinën Autonome të Kosovë e Metohisë, gjatë gjithë vitit kryejnë stërvitje si para ashtu dhe me rastin e dërgimit të realizimit të detyrave në Zonën Tokësore të Sigurisë, me çka sigurohet niveli i lartë i aftësimit për përgjigje ndaj të gjitha sifdave, rreziqeve dhe kërcënimeve në zonën e tyre të përgjegjësisë.”
Sifdat, rreziqet dhe kërcënimet për të cilat flet Ministria e Mbrojtjes e Serbisë me siguri se nuk kanë të bëjnë me të mirat që predikon Edi Rama se ka Ballkani i Hapur. Ndryshe i gjithë ky armatim dhe ushtarë i vendosur në “zonën e sigurisë” që garantohet nga forcat e NATO, nuk ka logjikë për një shtet me president dhe ushtri normale; Dhe, nuk besojmë se janë dislokuar me urdhër të Aleksandar Vuçiçit për ta mbrojtur tradhtarin e Kosovës, Edi Rama, që po qëndron në Beograd.
